گوترش: زمانیمیزین ان بؤیوک طبیعی فاجعهلریندن بیری
"بیر چوخ اینسانین یاشامینی ایتیرمهسینین یاسینی توتوروق و فاجعهده سایی آرتماغا داوام ائدیر"
بیرلشمیش میللتلر تشکیلاتینین باش کاتیبی آنتونیو گوترش، "عصرین فاجعهسی" اولاراق تانیملانان ۶ فوریهدهکی قهرمان ماراش مرکزلی ۷،۷ و ۷،۶ بؤیوکلوگوندهکی زلزلهلر اوچون "زمانیمیزین ان بؤیوک طبیعی فاجعهلریندن بیری" ایفادهسینی ایشلتدی.
آمریکا بیرلشمیش دؤولتلرینین نیویورک ایالتندهکی بیرلشمیش میللتلر باش مرکزینده مطبوعاتا آچیقلامالار وئرن گوترش،
"بیر چوخ اینسانین یاشامینی ایتیرمهسینین یاسینی توتوروق و فاجعهده سایی آرتماغا داوام ائدیر. مینلرجه بینا ییخیلدی. اون مینلرجه اینسان سویوق قیش شرایطینه معروض قالدی. اوخوللار و خستهخانالار داغیلدی. اوشاقلار قالیجی تراوما/ضربه یاشاییرلار" دئدی.
"زامانیمیزین ان بؤیوک طبیعی فلاکتلریندن بیری" اولاراق تانیملادیغی زلهلهلرین تؤرتدیگی ییخیم و اینسانی بحرانین اؤلچولرینی هله تام گؤرهبیلمهدیکلرینی ایفاده ائدن گوترش، بیرلشمیش میللتلر تشکیلاتینین سوریهیه سرحد اؤتهسی یاردیملاری چرچیوهسینده زلزلهلردن سونرا ایلک یاردیم قافلهسینی دونن سحر ساعاتلاریندا باب الهوا سرحد قاپیسیندان سوریهیه چاتدیغینی آنجاق بو یاردیملاردان داها چوخونا احتیاج اولدوغونو وورغولادی.
گوترش، حاضردا اینسانی بحران یاشایان سوریهنین قوزئی باتیسینین زلزله فاجعهسی ایله سارسیلماسیندان سونرا سونرا اینسانلارین "کابوس اۆستونه کابوس" یاشایدیقلارینی سؤیلهدی.
بیرلشمیش میللتلر تشکیلاتینین باش کاتیبی، تورکیهنین ۳،۶ میلیون سوریهلی سیغینماچییا ائو صاحبلیگی ائدرک اون ایلدهن آرتیقدیر "بنزرسیز بیر سخاوت" نوماییش ائتدیردیگینی و "عصرین فلاکتی" سونراسی بیرلشمیش میللتلر تشکیلاتینین تورک حکومتینه "الیندن گلن هر جور یاردیمی گؤسترمهیه" حاضر اولدوغونو بیلدیری.
اولوسلارآراسی توپلومو، یئریندن ائدیلن میلیونلارجا سیغینماچییا گؤستردیگی "دستک و سخاوتین عینیسینی" تورکیه و سوریه خالقینا دا گؤسترمهیه چاغیران گوترش، "ایندی تورکیه و سوریه خالقینی دستک واختیدیر" دئدی.
ایلگیلیلی خبرلر
هریس ایله مناظره تکلیفینه ترامپدان جاواب
کامالا هریس ایله مناظره لرین ایکینجی تورو کئچیرمک اوچون چوخ گئجدیر.