ترامپ سئچیم کمپینی باشلاتدی
ترامپ، ۲۰۲۴ سئچیملری اوچون هر زامانکیندان داها "عزملی و غضبلی" اولدوغونو و بؤیوک میتینگلر تشکیل ائده‌‌جکلرینی سؤیله‌دی
آمریکانین گئچمیش باشقانی دونالد ترامپ، ۲۰۲۴ باشقانلیق سئچیملری کمپینینی باشلاتدی.
آمریکادا ۲۰۲۴-جو ایلده گئچیریله‌جک باشقانلیق سئچیملرینه نامیزد اولان جمهوریتچی سیاستچی دونالد ترامپ، سئچیم کمپینینه عاید ایلک دانیشمالارینی نیوهمپشایردا تشکیل ائدیلن جمهوریتچی پارتینین ایللیک توپلانتیسیندا و گونئی کارولینا ایشالتینین باشکندی کلمبیادا گئرچکلشدیردی.
ترامپ، ۲۰۲۴-جو ایل سئچیملری اوچون هر زامانکیندان داها "عزملی و غضبلی" اولدوغونو و بؤیوک میتینگلر تشکیل ائده‌‌جکلرینی ایفاده ائدرک،
"چۆنکو ایندییه قدر گؤرمه‌دیگیمیز بیر سئچیجی روحو وار" دئدی.
ترامپ، باشقان اولدوغو دؤنمده حیاتا گئچیردیکلری سیاستلردن اؤرنکلر وئررک، ایندیکی باشقان جو بایدنین سرحد، اقتصاد و سوسیال سیاستلرینی تنقید ائتدی.
"۲۰۲۴-جو ایل سئچیملری اؤلکه‌میزی قورتارماق اوچون تک شانسیمیزدیر" دئین ترامپ، آمریکانین سول ایدئولوژییه، درین دؤولت، مئدیا و چینه قارشی قویابیله‌جک بیر لیدئره احتیاجی اولدوغو گؤروشونو ساووندو.
دونالد ترامپ، ۲۰۱۷-۲۰۲۱-جی ایللرده باشقانلیق وظیفه‌سینده اولموش و ۲۰۲۴-جو ایل باشقانلیق سئچیملری اوچون نامیزدلیگینی ایسه ۱۶ نوامبردا آچیقلامیشدی.
۲۰۲۴-جو ایل سئچیملری اوچون ایندکی باشقان جو بایدنین ده نامزدلیگینی ۷ فوریه‌ده گئرچکلشدیره‌جگی "بیرلیگین وضعیتی" دانیشماسیندان اؤنجه آچیقلاماسی گؤزله‌نیلیر.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
