سوئده هر یئردن تپکی وار
"تورکیه‌نین استکهلم‌داکی ائلچیلیگی قارشیسیندا قرآنا ائدیله‌ن بو آلچاق تحقیری شدتله قیناییریق. سوئد حکومتینی بو نیفرت سوچونون فاعللرینی تئز بیر زامان‌دا عدالته تسلیم ائتمه‌یه چاغیریریق"
آذربایجان، سوئد‌ده قرآن کریمه قارشی سالدیرینی قینادی.
آذربایجان خاریجی ایشلر باخانلیغینین توییتر حسابین‌دان ائدیلن پایلاشیمدا، قرآنا سالدیرینین نیفرت سوچو اولدوغو و ایفاده آزادلیغی ایله علاقه‌له‌ندیریله‌بیلمه‌یه‌جگی بیلدیریلدی. پایلاشیمدا،
"تورکیه‌نین استکهلم‌داکی ائلچیلیگی قارشیسیندا قرآنا ائدیله‌ن بو آلچاق تحقیری شدتله قیناییریق. سوئد حکومتینی بو نیفرت سوچونون فاعللرینی تئز بیر زامان‌دا عدالته تسلیم ائتمه‌یه چاغیریریق" ایفاده‌لری یئر آلدی.
بو آرادا قوزئی قیبریس تورک جمهوریتینین جمهورباشقانی ارسین تاتار وئردیگی یازیلی آچیقلامادا، تورکیه‌نین سوئد‌ده‌کی ائلچیلیگی قارشیسیندا قرآن کریمین یاندیریلماسینی قینایاراق،
"بو جور چاغ دیشی یاناشمالار بوتون دونیا اوچون تهلوکه‌دیر، دونیا باریشینی دینامیتله‌مکدیر" ایفاده‌سینی ایشلتدی.
سنگال جمهورباشقانی مکی سال توییتر حسابین‌دان ائتدیگی پایلاشیمدا، "قرآن کریمی یاندیران آشیری ساغچی راسموس پالودانین آلچاق حرکتینی شدتله قیناییرام" ایفاده‌سینی ایشلتدی.
سال، "ایرنج" اولاراق تانیملادیغی ایسلاموفوبی و مسلمان ضدیتی ایله امتیاز وئرمه‌دن موباریزه آپاریلمالی اولدوغونو بیلدیردی.
جمهورباشقانی سالین پایلاشمینی هم فرانسیزجا هم ده اینگیلیزجه ائتمه‌سی ده دقت چکدی.
سوریه‌نین قوزئیینده چوبان‌بی و مارع بؤلگه‌لرین‌ده مینلرجه اینسان ایسلام دگرلرینه سایغیسیزلیغا قارشی اعتراضلارا قاتیلدی.
دنمارکدا آشیری ساغچی استرام کورس لیدئری راسموس پالودانین سوئد حاکمیتینین قرآن کریمی یاندیرماغا ایجازه وئرمه‌سینه اعتراض اولاراق اعتراضچیلار سوئد بایراغینی یاندیردیلار.
اعتراضچیلار، اللرین‌ده «قرآنا اوزانان اللر قیریلسین»، «قرآن بیزی دوغرو یولا آپاراندیر»، «قرآن بیزیم یولوموزدور» و «ظلمه قارشی سوسقونلوق شیطانلیقدیر» سؤزلری یازیلمیش پلاکاردلار داشیدی.
عراق‌دا ایسه صدر حرکاتینین لیدئری مقتدا الصدر سوئد‌ده قرآن کریمین یاندیریلماسینی قیناماق اوچون ۱ میلیون ایمضانین توپلاناراق سوئد ائلچیلیگینه گؤندریلمه‌سینی ایسته‌دی.
باتی تراکیاداکی تورک آزلیق قوروم و قورولوشلاری دا سوئد‌ده قرآنا سالدیرینی قینادی.
دوستلوق برابرلیک باریش پارتیسینین سوسیال مئدیا حسابین‌دان وئردیگی آچیقلامادا، قرآنا قارشی چیرکین رفتار و حرکتین شدتله قیناندیغی بیلدیریلدی.
ایسکه‌چه سئچیلمیش موفتیسینین آچیقلاماسیندا ایسه سوئد مسئوللارینین قرآنا سالدیرینی فیکیر آزادلیغی کیمی دگرلندیرمه‌سینین قبول ائدیلمز اولدوغو وورغولاندی.
آچیقلامادا، "باتی تراکیا ایسکه‌چه مسلمان تورکلری اولاراق مقدس کیتابیمیز قرآنا و دینیمیز ایسلاما قارشی بو چیرکین توتومو و حرکتی لعنتله‌ییر و شدتله قیناییریق" ایفاده‌سی ایشله‌دیلدی.
ایسکه‌چه تورک بیرلیگی طرفین‌دن یاییملان آچیقلامادا، بو حرکتین نیفرت سوچو و ایسلاموفوبیک بیر سالدیری نومونه‌سی اولدوغو قید ائدیلدی و بو کیمی حادثه‌لرین قارشیسینین آلینماسی اوچون لازیم اولان تدبیرلرین گؤرولمه‌سی ضرورتی ایفاده ائدیلدی.
آچیقلامادا، "بو حادثه‌نی شدتله قیناییریق. ایسلامین مقدس کیتابینا ائدیله‌ن سالدیرینین، ائلجه ده بو حرکته ایجازه وئریلمه‌سینین آوروپادا سون ایللرده آرتان ایسلاموفوبینی داها دا آرتیراجاغین‌دان قایغیلیییق" دئییلدی.
آمریکا بیرلشمیش دؤلتلرینده ده تخمیناً ۱۵۵ تورک درنگینین اۆست قورولوشو اولاراق فعالیت گؤستره‌ن تورک آمریکا اولوسال یؤنلندیرمه کمیته‌سی، سوئد‌ده قرآن کریمین یاندیریلماسینی قینادی.
دانمارکالی آشیری ساغچی ایسترام کورس پارتیسینین لیدئری راسموس پالودان جمعه ائرته‌سی گونو تورکیه‌نین ایستکهلم‌داکی ائلچیلیگی قارشیسیندا قرآن یاندیردی و قالابالیق پلیسین حمایه‌سی آلتین‌دا گئچیریله‌ن اعتراض ائیلمینده هئچ کیمین پالودانا یاخینلاشماسینا ایجازه وئریلمه‌دی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
