امریکا:"تورکیه تکجه بولگه‌ده دئییل، دونیادا مهم طرفداش‌دیر"
امریکا ساوونما ناظیرلیگی‌نین (پنتاگون) سؤزچوسو، سرتیپ پاتریک رایدر گونده‌لیک مطبوعات کنفرانسیندا تورکیه-یه اف-16 ساتیشی ایله باغلی قرارا دایر سوال‌لاری جاوابلاندیریب.
"تورکیه تکجه بولگه‌ده دئییل، دونیادا مهم طرفداش‌دیر".
بونو امریکا ساوونما ناظیرلیگی‌نین (پنتاگون) سؤزچوسو، سرتیپ پاتریک رایدر گونده‌لیک مطبوعات کنفرانسیندا تورکیه-یه اف-16 ساتیشی ایله باغلی قرارا دایر سوال‌لاری جاوابلاندیرارکن دئییب.
احتیمال اولونان ساتیشین ایکی اؤلکه‌نین حربی موناسیبت‌لرینده نه قدر اهمیت‌لی اولدوغونا دایر سوا‌لی جاوابلان‌دیران سرتیپ پاتریک رایدر قرارین موذاکیره اولونماسی اوچون کنگره ده اولدوغونو سؤیله‌ییب.
"تورکیه ایله امریکا آراسینداکی ایکی طرف‌لی موناسیبت‌لره گلینجه، بیز همیشه تورکیه-نین مهم طرفداش و متفیق اولدوغونو سؤیله‌میشیک. اونا گؤره ده بو علاقه‌لری گوجلندیرمک و قارشی‌لیق‌لی ساوونما احتیاج‌لاریمیزین اؤدنیلمه‌سینی تامین ائتمک اوچون تورکیه-نین لیدرلری ایله یاخیندان ایشلمه‌یه داوام ائدجییک"، دئیه رایدر قئید ائدیب.
رسمی واشینگتن-ون تورکیه-یه اف-16 ساتیشینی تصدیقلمه‌سی و یونانیستانا اف-35 قیریجی‌لاری ساتماق پلانی ایله باغلی سوالا رایدر بو مسئله‌لرین بیر-بیریندن موستقیل اولدوغونو و امریکانین هر ایکی اؤلکه ایله علاقه‌لری‌نین اولدوغونو وورغولاییب.
کنگره عضو‌لری‌نین بعضی‌لری‌نین اف-16 قیریجی‌لاری‌نین تورکیه-یه ساتیشینا اعتراض ائتدیگینی خاطیرلا‌دان سؤزچو رایدر پنتاگونون بو مسئله ایله باغلی کنگره یه هر هانسی توصیه وئریب-وئرمه‌دیگی سوالینا ایسه بئله جاواب وئریب:
"بو، کنگره نین قرار وئرجگی بیر شئی‌دیر. اونلارا بورا‌دان نه ائده‌جک‌لرینی دئیه بیلمرم. دفعه‌لرله دئدیگیم کیمی، تورکیه ایله امریکا متفیق‌لیگی بؤلوشور و تورکیه تکجه بولگه ده دئییل، دونیادا مهم طرفداش‌دیر".
