فرانسا وطنداش‌لارینا ایرانا سفردن چکینمگی توصیه ائدیب
فرانسانین خاریجی ایشلر ناظیرلیگی اؤلکه وطنداش‌لارینا ایرانا هر هانسی سفردن چکینمگی توصیه ائدیب.
فرانسانین خاریجی ایشلر ناظیرلیگی اؤلکه وطنداش‌لارینا ایرانا هر هانسی سفردن چکینمگی توصیه ائدیب.
بونو فرانسا خاریجی ایشلر ناظیرلیگی‌نین رسمی نوماینده‌سی شارلی ابدو ژورنالیندا ایرانین عالی لیدری‌نین کاریکاتورلارینین درجی ایله علاقه‌دار پاریس و تهران آراسیندا یارانمیش گرگین‌لیکله باغلی سوال‌لاری جاوابلاندیرارکن دئییب.
"فرانسا بوتون دونیادا مطبوعات آزادلیغینا و ژورنالیست‌لرین مدافعه‌سینه صادق‌لیگینی بیر داها بیان ائدیر"، - دیپلومات بیلدیریب.
"ایران حاکمیتینه خاطیرلادیریق کی، اونلار بو اؤلکه‌ده‌کی وطنداش‌لاریمیزین تهلوکه‌سیزلیگینه جاوابده‌دیرلر. همچنین قانون‌سوز حبس ریسکی‌نین یوکسک اولدوغونو نظره آلا‌راق، ایرانا هر هانسی سفردن چکینمگی رسمی شکیلده توصیه ائدیریک"، - خاریجی ایشلر ناظیرلیگی‌نین نوماینده‌سی وورغولاییب.
ژانویه‌نین 8-ده ایرانین عالی دینی لیدری آیت الله علی خامنه ای‌نین شارلی ابدو-دا کاریکاتورلارینین درج ائدیلدیک‌دن سونرا اونلارلا نوماییشچی فرانسانین تهران-داکی سفیرلیگی قارشی‌سیندا توپلاشیب. معلوماتا گؤره، اعتیرازچی‌لار سفیرلیگین قارشی‌سیندا فرانسا بایراغینی دا یاندیریب‌لار.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
