فیلیپین-ده داشقین‌لار 11 نفرین حیاتینا سون قویوب

فیلیپین-ده ژانویه‌نین 2-دن بری داوام ائدن لئیسان یاغیش‌لارین سبب اولدوغو داشقین‌لار و تورپاق سوروشمه‌لری نتیجه‌سینده 11 نفر حیاتینی ایتیریب.

اؤلکه‌نین موختلیف بؤلگه‌لرینده خصوصیله بیکول، ویسایاس و میندانائو بؤلگه‌لرینده یاغان لئیسان یاغیش‌لاری داشقین‌لار و تورپاق سوروشمه‌لرینه سبب اولوب.

بعضی بؤلگه‌لرده سویون سویه‌سی‌نین 3 متره چاتدیغیندان کندلر، یول‌لار و اکین ساحه‌لری سو آلتیندا قالیب.

سیویل ساوونما ایداره‌سیندن وئریلن معلوماتا گؤره، 11 نفرین حیاتینی ایتیردیگی داشقین و تورپاق سوروشمه‌لری 63 101 عائله‌یه زیان ووروب، 815 عائله ایسه ائولرینی ترک ائتمک مجبوریتینده قالیب.