اولف کریسترسون: "تورکیه-نین بوتون طلب‌لرینی یئرینه یئتیره بیلمریک"

سوئد-ین باش ناظیری اولف کریسترسون اؤلکه‌سی‌نین ناتو عضو‌لوگو ایله باغلی تورکیه-نین بوتون طلب‌لرینی یئرینه یئتیره بیلمه‌یه‌جک‌لرینی بیلدیریب.

اولف کریسترسون دوشونجه مرکزلریندن بیرینده تشکیل ائتدیگی کنفرانس‌دان سونرا وئردیگی آچیقلامادا تورکیه-نین سوئد-ین ناتو عضو‌لوگو ایله باغلی اونلاردان وئره بیلمه‌یه‌جه‌لری شی‌لری ایسته‌دیگینی سؤیله‌دی.

سوئد-ین ناتو عضو‌لوگونون تورکیه-نین الینده اولدوغونا دقت چکن کریسترسون "تورکیه اوچلو سند چرچیوه‌سینده (ژوئن آییندا ایسپانیادا ناتو-نون ذیروه توپلانتی‌سیندا) ائتدیک‌لریمیزی تصدیقلییر، لاکین اونلارا وئره بیلمه‌یه‌جگیمیز و وئرمک ایسته‌مه‌دیگیمیز شئی‌لری ایستییر. تورکیه-نین بوتون طلب‌لرینی یئرینه یئتیره بیلمریک" ایفاده‌لردن ایستیفاده ائدیب.