سودان اوردوسو سیاستدن چکیلیر
سودانلی حربی و مولکی طرفلر، یئنی گئچیش دؤورونو باشلاداجاق سیاسی آنلاشما ایله باغلی آرالارینداکی فیکیر آیریلیقلارینی آرادان قالدیرماق اوچون یئنیدن بیر آرایا گلدیلر
سودان اگمنلیک شوراسینین باشقانی و اوردو قوموتانی ژنرال عبدالفتاح البرهان، اوردونون سیاسی صحنهدن چیخماغا قرارلی اولدوغونو و سلاحلی گوجلرین سئچیملرله گلهجک مولکی حاکمیته تابع اولاجاغینا ایناندیغینی سؤیلهدی.
باشکند خارطومداکی دوستلوق کنگره سالونوندا حربی و مولکی طرفلر، یئنی گئچیش دؤورونو باشلاداجاق سیاسی آنلاشما ایله باغلی آرالارینداکی فیکیر آیریلیقلارینی آرادان قالدیرماق اوچون یئنیدن بیر آرایا گلدیلر.
حربی و مولکی قروپلار، اوزون سورهن سیاسی بحرانین آردیندان اولوسلارآراسی طرفلرین گیریشیمی ایله سوداندا ۵ دسامبر ۲۰۲۲.جی ایلده ایمضالانان چرچیوه آنلاشماسی سونراسیندا اؤلکهنی سون رآنلاشمایا آپاراجاق ایکینجی مرحله دانیشیقلارا باشلاما قرای آلدی.
اگمنلیک شوراسینین باشقانی و اوردو قوموتانی برهان، بوراداکی چیخیشیندا، سودان خالقینین آزادلیق، باریش و عدالتله باغلی ایستک و اؤزلملرینه جاواب وئرهن نظامی اولمایان، دموکراتیک بیر حکومت قورماغی اومود ائتدیکلرینی بیلدیررک،
"گئرچک دموکراتیک دؤنوشومون باشاریسی اوچون چالیشاجاغیق. اوردونون سیاستی بوراخماغا قرارلی اولدوغونو تایید ائدیریک و سلاحلی گوجلرین سئچیملرله گلن مولکی حاکمیته تابع اولاجاغینا اینانیریق"دئدی.
طرفلرین باشلادیقلاری ایکینجی مرحلهدن سونرا، نهایی آنلاشمانین امضالانماسی و باشباخانین تعیین ائیلمهسیندن سونرا ۲ ایللیک بیر یئنی گئچیش دؤورو باشلایاجاق.
نهایی آنلاشما؛ عدالت، گوونلیک و حربی اصلاحات، باریش آنلاشماسینین یئنیدن گؤزدن گئچیریلمهسی و دگرلندیریلمهسی، اسکی رژیمین ایزلرینین آرادان قالدیریلماسی و دوغو سودان مسئلهسی اولماق اۆزره ۵ اساس قونونو احاطه ائدیر.
سوداندا باهالیغا گؤره کوتلوی خالق اعتراضلار نتیجهسینده باشلایان دسامبر دئوریمی (۲۰۱۸) و اوردونون موداخیلهسی نتیجهسینده ۱۱ ۲۰۱۹-جو ایلده آوریل عمر البشیرین ۳۰ ایللیک حاکمیتی سونا چاتمیش و بوندان سونرا قورولان حربی-مولکی اورتاق گئچیجی حکومتلر ایسه درین فیکیر آیریلیقلاری سببی ایله قالیجی اولمامیشدی.
سودان اوردوسو، تهلوکهسیزلیک و بقا تهدیدلری سببی ایله ۲۵ اکتبر ۲۰۲۱-جی ایلده مولکی حکومته ال قویموش، فؤوقالعاده وضعیت اعلان ائدرک باشباخان دا داخیل اولماقلا اونلارجا سیاستچینی گؤزآلتینا آلمیشدی.
حربی و مولکی قروپلار آراسیندا بؤلگهسل و اولوسلارآراسی طرفلرین حمایهسی آلتیندا گئچیریلن اوزون دانیشیقلار نتیجهسینده هر ایکی طرف، سیاسی چرچیوه آنلاشما امضالاماغا راضی اولموشدو.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب