ایلان ماسک افشا ائتمه‌یه داوام ائدیر
ماسک، آمریکا بیرلشمیش دؤولتلری مسئوللارینین توییتردن ۲۵۰ مین حسابین باغلانماسینی ایسته‌دیکلرینی آچیقلادی
اسپیس اکس و توییترین صاحبی ایلان ماسک، آمریکا بیرلشمیش دؤولتلری مسئوللارینین توییتردن ۲۵۰ مین حسابین باغلانماسینی ایسته‌دیکلرینی آچیقلادی.
ماسک، "توییتر فایللاری" آدی آلتیندا داوام ائتدیردیگی افشالارین ۱۱.جیسینی، موستقیل ژورنالیست مت تایبی واسطه‌سیله ائتدی.
تایبی‌نین پوستونو پایلاشان ماسک،
"آمریکا بیرلشمیش دؤولتلری مقاملاری، آرالاریندا ژورنالیستلر و کانادا مسئوللارین دا اولدوغو ۲۵۰ مین حسابین باغلانماسینی ایسته‌دی" ایفاده‌سینی ایشلتدی.
ژورنالیست تایبی، آمریکا بیرلشمیش دؤولتلری کۆره‌سل ائتکیله‌شیم مرکزینین راپورونون آمریکا بیرلشمیش دؤولتلری ایچ گوونلیک باخانلیغی معلوماتلارینا دایاندیردیغینا دقت چکه‌رک، باغلانماسی طلب ائدیله‌ن حسابلار آراسیندا "۲ و یا داها چوخ" رسمی حسابین اولدوغونو قید ائتدی.
ایلان ماسک بیر مدتدیر، توییترین گئچمیش یؤنه‌تیمینین قوروم ایچی یازیشمالارینی بیر قروپ ژورنالیستله پایلاشاراق افشا ائدیر.
توییترین یئنی یؤنه‌تیچیسی و موستقیل ژورنالیستلر طرفین‌دن "توییتر فایللاری" آدلاندیردیغی بو توییتلر سیلسیله‌سی، توییترین گئچمیش یؤنه‌تیمینین، سیاسی گؤروشلری ندنی ایله توییتلره طرفلی اولاراق موداخیله ائتدیگینی اورتایا قویور.
ایندییه قدر ائدیله‌ن افشالاردا، آمریکا بیرلشمیش دؤولتلری باشقانی جو بایدنین اکیبینین طلبی ایله سئچکیم پروسه‌سینده اورتایا چیخان بایدنین اوغلو هانتر بایدنه عاید سیزینتیلارین سانسورلانماسی، ترامپین حسابینین آسقییا آلینماسینین یانی سیرا توییترین اسکی یؤنه‌تیمینین آمریکا بیرلشمیش دؤولتلری اوردوسونون اورتادوغوداکی مداخله‌لرینه آلت اولدوغو دا اورتایا چیخمیشدی.
