تونی فرناندز تایوانا سفر ائدیب
امریکا خاریجی ایشلر ناظیرینین کؤمکچیسی وظیفهسینی ایجرا ائدن تونی فرناندز تایوانا سفر ائدیب.
امریکا خاریجی ایشلر ناظیرینین کؤمکچیسی وظیفهسینی ایجرا ائدن تونی فرناندز تایوانا سفر ائدیب.
تایوان آژانسی CNA-نین معلوماتینا گؤره، اقتصادی علاقهلر چرچیوهسینده تایوانا گئدن فرناندز امریکا پرزیدنتی جو بایدنین 2021-جی ایلین ژانویه سینده وظیفهیه تعیین اولونماسیندان بری آدایا سفر ائدن ان یوکسک روتبهلی خاریجی ایشلر رسمیسی اولوب.
تایوان خاریجی ایشلر ناظیرلیگیندن وئریلن آچیقلامادا فرناندزین اقتصادی تضییقلره قارشی گؤرولهجک تدبیرلری، تداروک زنجیرلرینین ثابتلیگینی، تهلوکهسیز انرژی اؤتورولمهسینی، یئنی امکداشلیق ساحهلرینی و معلومات موبادیلهسینی موذاکیره ائتدیگی بیلدیریلیب.
خاطیرلاداق کی، امریکا کنگرهسینین نمایندهلر پالاتاسینین صدری نانسی پلوسینین آوقوستون اولینده تایوانا سفری واشینگتن ایله پکن آراسیندا گرگینلیگه سبب اولوب.
پلوسی سون 25 ایلده چین ایله اگمنلیک موناقیشهسینده اولان آدایا سفر ائدن امریکا نومایندهلر مجلیسینین ایلک صدری اولدو.
سفر تایوانی اؤز اراضیسی حساب ائدن پکن-ین رئاکسیاسینا سبب اولوب و چین اوردوسو سفردن سونرا آدا اطرافیندا حربی تعلیملره باشلاییب.
پلوسیدن سونرا بیر چوخ کنگره عضولری و ایالت والی لری ده آدایا باش چکیب.
پکن "بیر چین پرینسیپی"نی وورغولایاراق، تایوانین دونیا اؤلکهلری ایله موستقیل دیپلوماتیک علاقهلر قورماسینا، بمت و دیگر اولوسلار آراسی تشکیلاتلاردا تمثیلچیلیگینه قارشی چیخیر و اونو تانییان اؤلکهلرین تایوانلا دیپلوماتیک علاقهلرینی کسمهسینی شرط قویور.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.