چین و هیندیستان عسگرلری آراسیندا چاتیشما چیخدی
دفاکتو کنترل خطی بویونجا باش وئره‌ن چاتیشما نتیجه‌سینده هر ایکی طرفین بیرلیکلرینده یارالانانلار اولدو
چین و هیندیستانین هیمالایا داغلارین‌داکی دارتیشمالی سرحد بؤلگه‌سینده ایکی اؤلکه آراسیندا چاتیشما چیخدی.
آنی نیوزون خبرینه گؤره، ۹ دسامبردا ایکی اؤلکه آراسینداکی غیر معین سرحد خطینی تانیملایان دفاکتو کنترل خطی بویونجا باش وئره‌ن چاتیشما نتیجه‌سینده هر ایکی طرفین بیرلیکلرینده یارالانانلار اولدو.
هیندیستانین بؤلگه‌ده‌کی قوموتانی "باریش و ساکیتلیگی یئنیدن تاسیس ائتمک" اوچون چینلی قونومداشی بیر توپلانتی تشکیل ائتدی.
دارتیشمالی سرحد بؤلگه‌سیندن قارشی‌لیق‌لی عسگر چکمه ۱۴ سپتامبردا باشا چاتیمیشدی.
گئری چکیلمه‌دن سونرا، ایکی اؤلکه آراسینداکی غیرمعین سرحد خطینی تانیملایان فعلی کنترل خطینین باتی بؤلومونده ۲۰۲۰.جی ایلین می آییندا طرفلر آراسیندا سورتوشمه‌یه سبب اولان بوتون ساحه‌لر ترک ائدیلمیش اولدو.
طرفلر بون‌دان اؤنجه گالوان دره‌‌سی ایله لاداک بؤلگه‌سینین دوغوسونداکی پانگونگ گؤلونون هر ایکی طرفین‌دن قوشونلارینی گئری چکمیشدی.
۱۵ ژوئن ۲۰۲۰.جی ایلده لاداک بؤلگه‌سینده‌کی گالوان دره‌‌سینده هیندیستان و چین عسگرلری آراسیندا باش وئره‌ن چاتیشمادا ۲۰ هیندیستان عسگری اؤلموشدو. چین ده چاتیشمادا ۴ عسگرینین اؤلدوگونو آچیقلامیشدی.
چاتیشما‌دن سونرا ایکی اؤلکه‌نین حربی بیرلیک‌لری سرحدده حاضیر وضعیته گئچمیش، هیندیستان بؤلگه‌یه قورودان-هاوایا موشک ساوونما سیستمی، چین ایسه هویتزر و تانکلاری یئرلشدیرمیشدی.
بو گرگینلیک، دونیانین ان بؤیوک اوردویلارینا صاحیب اؤلکه‌لرین اجتماعیتینده "ساواش" سؤیلملری ایله داها دا آرتمیشدی.
سرحدده‌کی گرگین‌لیگی آزالتماق اوچون ایکی اؤلکه‌نین حربی هیئتلری آراسیندا دانیشیقلارا باشلادیلمیشدی.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
