آوروپا کمیسیونو روسیایا قارشی 9-جو تحریم لر پاکتینی آچیقلاییب
بو باره‌ده آوروپا کمیسیونونون رهبری اورزولا فون در لاین بیانات یاییب.
آوروپا کمیسیونو روسیایا قارشی دوققوزونجو تحریم لر پاکتی‌نین مضمونونو آچیقلاییب.
بو باره‌ده آوروپا کمیسیونونون رهبری اورزولا فون درلاین بیانات یاییب.
اورزولا فون درلاین‌ین سؤزلرینه گؤره، پاکتده اساس آنتی-روسیا تحریم لری وار.
ایلک اولا‌راق تحریمه تطبیق ائدیلن شخص‌لرین سیاهی‌سینا علاوه اولا‌راق 200-ا یاخین فیزیکی و حقوقی شخص داخیل ائدیلیب. اونلارین آراسیندا روسیا سلاح‌لی قوه‌لری، ائله‌جه ده آیری-آیری ظابط‌لر و حربی صنایع موسسه‌لری، دؤولت دوماسی‌نین و فدراسیون شوراسی‌نین عضو‌لری، ناظیرلر، والی لر، سیاسی پارتیا‌لار و س. وار.
روسیا بولگه‌سل اینکیشاف بانکی‌نین عملیات‌لارینا تام قاداغا دا داخیل اولماقلا، علاوه اوچ بانکا قارشی تحریم لر تطبیق ائدیلیب، خصوصیله ایکی‌لی کاربردی اولان مال‌لارا یئنی صادرات نظارتی و محدودیت‌لر وار. بورایا اساس شیمیایی ماده‌لر، الکترونیک و تکنولوژی محصولاری داخیل‌دیر.
داها سونرا یعنی، درون موتورلارینین بیرباشا روسیایا صادراتینا و بو اؤلکه‌یه پیلوت‌سوز اوچاق لار وئره بیله‌جک هر هانسی اوچونجو اؤلکه‌لره، مسئلن، ایرانا صادراتینا قاداغا قویولا‌جاق.
آوروپا روسیا تبلیغاتی‌نین یاییلماسی اوچون بوتون کانال‌لارین یاییمینا قاداغا قویولوب.
روسیانین انرژی و معدنچیخارما سئکتورلارینا قارشی علاوه اقتصادی تدبیرلر، او جمله‌دن داغ-معدن صنایع سینه یئنی یاتیریم لارین قویولماسینا قاداغا تطبیق اولونوب.
بون‌دان علاوه، پاکئته بو هفته قوه‌یه مینن روسیا نفتی‌نین وارداتینا آوروپا بیرلیگی‌نین عمومی قاداغاسی، همچنین "بؤیوک یئددی‌لیک" (گ7) طرفیندن راضیلاشدیریلمیش قلوبال نفت قیمت‌لری حدی علاوه اولونور.
خاطیرلاداق کی، دسامبرین 5-دن اعتباراً آوروپا بیرلیگی طرفیندن روسیا‌دان نفتین قیمتینه محدودیت‌لر قوه‌یه مینیب. اونلاری گ7 اؤلکه‌لری و آوسترالیا دستکله‌ییب.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
