آمریکا، تورکیه‌نین ساوونما احتیاجلارینی قارشیلاماغا ایسته‌کلی
پرایس: هئچ بیر ناتو متفیقی اؤز تورپاقلاریندا بیزیم تورک متفیقلریمیزدن داها چوخ ترور سالدیریسینا معروض قالمامیشدیر
آمریکا دیش ایشلری باخانلیغی سؤزچوسو ند پرایس، اؤنملی ناتو متفیقی اولان تورکیه‌نین ساوونما احتیاجلارینی قارشیلاماغا ایسته‌کلی اولدوقلارینی بیلدیردی.
ند پرایس، گونده‌لیک مطبوعات توپلانتیسیندا، تورکیه‌یه اف-۱۶ ساتیشلارینا گتیریلمک ایسته‌نیلن محدودیت شرطلرینین، ساوونما بودجه‌سینی ده احتیوا ائد‌ن ۲۰۲۳ میللی ساوونما صلاحیتیلندیرمه قانونوندان چیخاریلماسی ایله باغلی سوالا بئله جاواب وئردی:
"البته، تورکیه اؤنملی بیر ناتو متفیقیدیر، اؤنملی بیر گوونلیک اورتاغیدیر. ساوونما ظرفیتیمیزین قایناشدیریلماسی و تورکیه‌نین قارشی قارشییا اولدوغو چتین تهدید‌لرله باشا چیخماق اوچون احتیاجی اولدوغو شئیلری تامین ائتمک ایسته‌ییریک. هئچ بیر ناتو متفیقی اؤز تورپاقلاریندا بیزیم تورک متفیقلریمیزدن داها چوخ ترور سالدیریسینا معروض قالمامیشدیر. دولاییسیلا گوونلیک ساحه‌سین‌ده‌کی امکداشلیغیمیزین بیزیم اوچون بؤیوک اؤنمی وار".
جمهورباشقانی رجب طیب اردوغان و آمریکا باشقانی جو بایدنین، ژوئن آییندا مادریدده گئچیریله‌ن ناتو ذیروه توپلانتیسیندا گؤروشدوکلری زامان بو قونونو موذاکیره ائتدیکلرینی بیلدیره‌ن پرایس، داها آلت سویه‌لرده ده موذاکیره‌لرین آپاریلدیغینی و آمریکا خارجی ایشلر باخانلیغینین کنگره ایله بو قونونو دانیشدیغینی بیلدیردی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
