آمریکا: روسیا، اعتراضلارین باسدیریلماسی قونوسوندا تهرانا توصیه وئره‌بیلر
"ایرانا مئساژیمیز آچیقدیر: اؤز خالقینیزی اؤلدورمه‌یی و روسیایا اوکراینالیلاری اؤلدورمک اوچون سلاح گؤندرمه‌یی دوردورون"
آمریکادا آغ ائو، موسکوا یؤنه‌تیمینین ایران‌داکی اعتراضلارین باسدیریلماسی قونوسوندا تهرانا توصیه وئرمه احتیمالینی ایفاده ائتدی.
آغ ائوین سؤزچوسو کرین ژان پیر گونده‌لیک مطبوعات توپلانتیسیندا، "ایران و روسیانین اعتراضلارا موداخیله طرزینده‌کی اوخشارلیقلارا" دقت چکدی.
"موسکوا ایران‌داکی اعتراضلارین باشدیریلماسیندا تهرانا "ان یاخشی اصوللارینی" توصیه ائتدیگی قونوسوندا قاییغیلیییق" ایفاده‌سینی ایشله‌دن ژان پیر، هر ایکی اؤلکه‌نین ده اعتراضچیلاری باسدیراراق سوسدورماغا چالیشدیغینا ایشاره ائتدی.
ژان پیر،
"ایران و روسیا داها چوخ تجرید ائدیلدیکجه، بیداها دا یاخینلاشیرلار. ایرانا مئساژیمیز آچیقدیر: اؤز خالقینیزی اؤلدورمه‌یی و روسیایا اوکراینالیلاری اؤلدورمک اوچون سلاح گؤندرمه‌یی دوردورون" چاغریسی ائتدی.
آغ ائوین اولوسال گوونلیک شوراسینین استراتژیک کوممارتباط مودورو جان کربی ده،
"روسیانین اعتراضچیلاری سرت موداخیله اوچون ایرانا بیر شکیلده کؤمک ائتمه‌یی دوشوندوگونو بیلیریک. روسییانین بو مسئله‌ده نه یازیق کی تجروبه‌سی وار" ایفاده‌سینی ایشلتدی.
