"ایران حاضردا میداندا و بیرباشا ساواشا قاریشیر"
جان کربی، ایرانلی حربی پرسنلین، روسیانین کیئوی بومبالاماسینا کؤمک ائتدیگینی بیلدیردی
آمریکادا آغ ائوین اولوسال گوونلیک شوراسی استراتژیک ارتباط مودورو جان کربی، ایرانلی حربی پرسنلین، روسیانین کیئوی بومبالاماسینا کؤمک ائتدیگینی بیلدیررک،
"ایران حاضردا میداندا، بیرباشا ساواشا قاریشیر" آچیقلاماسینی وئردی.
جان کربی، خاریجی سیاست ایله باغلی آغ ائو خبرچیلرینه آچیقلامالار وئردی.
اوزون مدتدیر روسیانین ایران‌دان اینسانسیز هاوا آراجلاری (ایها) آلابیله‌جگی ایله باغلی اویاردیقلارینی خاطیرلادان کربی،
"روسیا ایران‌دان آلدیغی ایهالاری قیریما گؤندردی. قیریما یئرلشه‌ن روس حربی پرسنلینین ایرانلی پیلوتلاردان ایستیفاده ائتدیگینی و بوندان کیئوده‌کی هاوا سالدیریلاریندا ایستیفاده ائتدیکلرینین تایید ائدیریک. ایران حربی پرسنلینین قیریم‌دا میداندا اولدوغونو و بو عملیاتلاردا روسیایا کؤمک ائتدیگینی بیلیریک" ایفاده‌سینی ایشلتدی.
کربی، روسیانین ایندیه دک ایران‌دان اونلارجا ایها آلدیغینی و بونون داوام ائدجگینی بیلدیررک،
"اوسته‌لیک، روسیانین مهمات یوخلوغوندان گله‌جک‌ده ایران‌دان قورودان قورویا موشکلر کیمی سیلاحلار آلماسیندان قایغیلیییق" دئدی.
کیربی، ایران یاپیمی ایهالارین اوکراینادا هم حربی هم ده مولکی هدفلره قارشی ایستیفاده اولوندوغونو بیلدیردی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
