آمریکادا آذربایجان ائلچیلیگینه عاید اتومبیله آتیش ائدیلدی
"خاریجی اؤلکه‌لرده دیپلوماتیک نماینده‌لیکلریمیزین گۆونلیگینین تامین ائدیلمه‌سی، اولوسلارآراسی سؤزلشمه اساسیندا ائو صاحیبی اؤلکه‌نین بیر تعهدودور"
آذربایجانین آمریکا ائلچیلیگینه عاید اتومبیله آتیش ائدیلدی.
آذربایجان خاریجی ایشلر باخانلیغیندان وئریله‌ن آچیقلامادا، سالدیرینین ۱۰ اکتبرو ۱۱ اکتبرا باغلایان گئجه باش وئردیگی بیلدیریلرک، دیپلوماتیک نماینده‌نین حادثه ایله باغلی درحال آمریکا قوروملارینا بیلگی وئردیگی، کامئرا گؤرونتولرینی سوندوغو آچیقلاندی.
۱۲ اکتبردا ایسه آمریکانین آذربایجان‌داکی کئچیجی ایشلر وکیلی/ایش‌گۆدری خاریجی ایشلر باخانلیغینا چاغریلدی.
حادثه ایله باغلی آذربایجان طرفینین جدی قایغیلاری و ناراضیلیغی ایش‌گۆدره بیلدیریلیرکن، آذربایجانین دیپلوماتیک نماینده‌لیگینین گۆونلیگینین تامین ائدیلمه‌سی طلبی ده قارشی طرفه چاتدیریلدی.
آچیقلامادا، آمریکا و آوروپادا آذربایجانین دیپلوماتیک نماینده‌لیکلرینه قارشی سالدیریلاردان سونرا یئریدیلن سوروشدورمالاردا هئچ کیمه جزا وئریلمه‌دیگی بیلدیریلیرک،
"بو توتوم، رادیکال ارمنی قروپلاری داها دا جسارتلندیرمکده‌دیر" دئییلدی.
باخانلیقدان وئریله‌ن آچیقلامادا آشاغی‌داکی ایفاده‌لر یئر آلدی:
"سون واختلاردا، واشینگتن، پاریس، بیروت و دیگر شهرلرده‌کی ائلچیلیکلریمیزه سالدیریلار و واندالیزم ائیلملری ده داخیل اولماق اۆزره، خاریجی اؤلکه‌لرده‌کی ارمنی توپلولوقلارینین رادیکال عضولرین طرفیندن آذربایجانین دیپلوماتیک نماینده‌لیکلرینه سالدیریلاری، جدی قایغی دوغورور. خاریجی اؤلکه‌لرده دیپلوماتیک نماینده‌لیکلریمیزین گۆونلیگینین تامین ائدیلمه‌سی، اولوسلارآراسی سؤزلشمه اساسیندا ائو صاحیبی اؤلکه‌نین بیر تعهدودور. بو چرچیوه‌ده هر حادثه ایله باغلی ایغون بیر آراشدیرما آپاریلماسی و ائلچیلیکلریمیزین و دیپلوماتلاریمیزین گۆونلیگینین اویغون سویه‌ده تامین ائدیلمه‌سی ضرورتینی بیر داها تکروورغولاییریق".
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
