پلوسی ژاپونیا-دا بو اولکه‌نین باش ناظیری ایله گوروشوب
نانسی پلوسی سینگاپور، مالزیا، تایوان و گونئی کره-نی زیارت ائتدیک‌دن سونرا آسیا تورونون سون دایاناجاغی ژاپونیادا باش ناظیر کیشیدا ایله گؤروشوب.
امریکا نوماینده‌لر مجلیسی‌نین صدری نانسی پلوسی سینگاپور، مالزیا، تایوان و گونئی کره-نی زیارت ائتدیک‌دن سونرا آسیا تورونون سون دایاناجاغی ژاپونیادا باش ناظیر کیشیدا ایله گؤروشوب.
سی ان ان-ین خبرینه گؤره، چین اوردوسونون تایوانا سفری سببیله تایوان بوغازیندا باشلاتدیغی راکت تعلیمیندن سونرا ژاپونیادا کیشیدا ایله گؤروشن پلوسی "چین تایوانی اولوسلار آراسی توپلوم دان تجرید ائتمه‌یه چالیشیر" دئییب.
امریکا رسمی‌لری‌نین تایوانا سفرینه مانع اولمایاجاغینی ایفاده ائدن پلوسی "بیز چین-ین تایوانی تجرید ائتمه‌سینه ایجازه وئرمه‌یه‌جییک". دئیه بیلدیریب.
نوماینده‌لر مجلیسی‌نین صدری بیان ائدیب کی، اونون تایوانا سفری ایستاتوسونو قوروماق اوچون‌دور:
"بو، تایوان موناسیبت‌لری قانونو، امریکا-چین سیاستی، موناسیبت‌لریمیزی قوران بوتون قانون وئریجی‌لیک و سازیش‌لرله علاقه‌لی: تایوان بوغازیندا باریشین قورونماسی و ایستاتوسون ساخلانماسی حاقیندا‌دیر".
ژاپونیانین کیودو خبر آژانسی خبر وئریر کی، پلوسی و کیشیدا تایوان بوغازیندا باریش و ثابت‌لیک اوچون ایشله‌مک باره‌ده راضیلیغا گلیب‌لر.
