باهاما آدا‌لاریندا کوچمن قاییغی باتیب، 17 نفر اؤلوب

امریکایا آخین ائدن هائیتی-لی کوچمن لری داشییان قاییق باهاما آدا‌لاری ساحل‌لرینده باتیب.

حادثه نتیجه‌سینده 1-ی کؤرپه اولماقلا، 17 هائیتی-لی قاچقین حیاتینی ایتیریب.

یئتکیلی‌لر 25 نفرین ایسه خلاص ائدیلدیگینی بیلدیریب.

ایچری‌سینده 60 نفرین اولدوغو قاییق نیو پراویدنس آداسیندان 11 کیلومتر آرا‌لیدا باتیب.

باهاما آدا‌لاری امریکایا گئتمک ایسته‌ین هایتی‌لی‌لر اوچون ان چوخ ایستیفاده ائدیلن ترانزیت مسیرلردن بیری حساب اولونور.