دانمارک‌داکی سالدیریدا ان آز ۳ نفر اؤلدو
"دانمارکلیلاری بو چتین زاماندا بیر آرادا دورماغا و بیر بیرینه دستک اولماغا تشویق ائتمک ایسته‌ییرم"
دانمارکین باشکندی کپنهاگدا بیر آلیش وئریش مرکزینده دونن باش وئره‌ن سلاحلی سالدیریدا ۳ نفرین اؤلدوگو، ۴ نفرین ایسه آغیر یارالاندیغی بیلدیریلدی.
کپنهاگ پلیسی سؤزچوسو سورن توماس، سالدیریدا ۳ نفرین اؤلدوگونو، ایکیسی سوئد وطنداشی اولماقلا ۴ نفرین ایسه آغیر یارالاندیغینی قید ائتدی.
توماس، چوخ ساییدا یونگول شکیلده یارالانانین دا اولدوغونو بیلدیردی.
شبهه‌لینین قیسا مدتده یاخالاندیغینی بیلدیره‌ن توماس، سالدیرینین ترور ائیلمی اولمادیغینی وورغولادی.
دانمارک باشباخانی مته فردریکسن باش‌ساغلیغی مئساژیندا،
"یاخینلارینی ایتیره‌نلره درین حوزنله باش‌ساغلیغی وئریرم. دانمارکلیلاری بو چتین زاماندا بیر آرادا دورماغا و بیر بیرینه دستک اولماغا تشویق ائتمک ایسته‌ییرم" ایفاده‌سینی ایشلتدی.
حادثه‌دن سونرا یاخالانان شبهه‌لینین ۲۲ یاشیندا و دانمارک‌لی اولدوغو بیلدیریلمیشدی.
ایلگیلی‌لی خبرلر
سوئد، پ‌کاکا شبهه‌لی‌سینی سینیر دیشی ائده‌جک
دیپورت ائدیله‌جک شخصین سوئد اوچون گوونلیک تهدیدی اولاراق گؤرولدوگو بیلدیریلدی
نیجریه-ده گیروو گؤتورولن 69 نفر قورتاریلیب
نیجریه-ده سلاحلی دسته‌لر طرفیندن گیروو گؤتورولن 69 نفر باوچی ایالتینده خلاص ائدیلیب.
