گئجه کلوبوندا ۲۲ نفر حیاتینی ایتیردی
یاشلاری ۱۳ ایله ۱۷ اولان اؤلنلرین اؤلوم سببلرینین هله بللی اولمادیغی و حادثه‌نین آراشدیریلماسی اوچون یوکسک سویه‌لی بیر عدلی طب اکیبینین وظیفه آلدیغی بیلدیریلدی
گونئی آفریقانین دوغو کیپ ایالتینده بیر گئجه کلوبوندا، هله بیلینمه‌ین سببله ۲۲ نفر حیاتینی ایتیردی.
پلیسدن وئریله‌ن آچیقلامادا، ائست لوندون شهرینده‌کی بیر گئجه کلوبوندا ۱۷ نفرین جسدینین تاپیلدیغی و چوخ ساییدا اینسانین خسته‌خانایا آپاریلدیغی بیلدیریلدی.
آچیقلامادا، اؤلنلرین ساییسینین ۲۲ نفره یوکسلدیگی، خسته‌خانایا یئرلشدیریله‌نلر آراسیندا داها ۵ نفرین اؤلدوگو قید ائدیلدی.
یاشلاری ۱۳ ایله ۱۷ اولان اؤلنلرین اؤلوم سببلرینین هله بللی اولمادیغی و حادثه‌نین آراشدیریلماسی اوچون یوکسک سویه‌لی بیر عدلی طب اکیبینین وظیفه آلدیغی بیلدیریلدی.
مسئوللار، اؤلنلرین گازدان زهرلنه‌رک اؤلموش اولابیله‌جگینی تخمین ائدیر.
جمهورباشقانی سیریل رامافوسا توئیتر پایلاشیمیندا:
"ائست لوندوندا ایله‌نجه یئرینده حیاتینی ایتیره‌ن ۲۲ گنجین عائله‌لرینه درین هوزنله باش‌ساغلیغی وئریرم" ایفاده‌سینی ایشلتدی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
