دونیا ساغلیق تشکیلاتی میمون چیچگی ویروسو ایله باغلی ایلک ایجلاسینی کئچیریب
دونیا ساغلیق تشکیلاتی اؤتن آیدان بری داوام ائدن میمون چیچگی ویروسو اپیدمیسینین قلوبال فوق العاده وضعیت اعلان ائدیلیب-ائدیلمهمهسی ایله باغلی ایلک ایجلاسینی کئچیریب.
دونیا ساغلیق تشکیلاتی اؤتن آیدان بری داوام ائدن میمون چیچگی ویروسو اپیدمیسینین قلوبال فوق العاده وضعیت اعلان ائدیلیب-ائدیلمهمهسی ایله باغلی ایلک ایجلاسینی کئچیریب.
قورومدان یاییلان یازیلی آچیقلامادا دونیا ساغلیق تشکیلاتی-نین فوق العاده حاللار کومیتهسینین میمون چیچگی ویروسو اپیدمیسینین اولوسلار آراسی خالق ساغلاملیق عاجیل (PHEIC) کاتقوریاسیندا قیمتلندیریلمهسی ایله باغلی توصیهلرینی دونیا ساغلیق تشکیلاتینین رهبرلیگینه چاتدیراجاغی بیلدیریلیب.
ایجلاسدان سونرا مطبوعاتا آچیقلاما وئرن دونیا ساغلیق تشکیلاتی-نین باش مودیری دروس آدهانوم ویروسون ائندمیک اولدوغو افریقا اؤلکهلری ده داخیل اولماقلا، 48 اؤلکهده 3200-دن چوخ یولوخما حالینین آشکار ائدیلدیگینی، 2022-جی ایلین اولیندن بو یانا مرکزی افریقا-دا 70-ا یاخین اینسانین اؤلدوگونو بیلدیریب.
دروس آدهانوم نیجریه-ده میمون چیچگینه یولوخما حاللارینین چوخونون قادینلار اولدوغونو وورغولاییب.
میمون چیچگی ویروسونون ایلک دفعه بیر چوخ غیری-ائندمیک اؤلکهده موشاهیده ائدیلدیگینی خاطیرلادان آدهانوم بو خستهلیگین نئجه یاییلدیغینی اؤیرنمهین چوخ واجیب اولدوغونو سؤیلهییب.
دونیا ساغلیق تشکیلاتی-نین فوق العاده حاللار کومیتهسی میمون چیچگی ویروسونون تهلوکهسی سویهسینی قیمتلندیرمک اوچون یاخین گونلرده یئنیدن توپلانتی کئچیرهجک.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.