ترور سالدیریلاریندا ۱۳۲ وطنداش حیاتینی ایتیردی
مالینین ایچ بؤلگهلریندهکی کندلره، مغرب القاعدهسینه باغلی کتیبه ماسینا ترور هؤرگوتو طرفیندن سالدیری تشکیل ائدیلدیگی بیلدیریلدی
مالینین ایچ بؤلگهلریندهکی کندلره جمعه ائرتهسی گئجهسی تشکیل ائدیلهن ترور سالدیریلاریندا ۱۳۲ وطنداشین حیاتینی ایتیردیگی آچیقلاندی.
حکومتدن وئریلهن یازیلی آچیقلامادا، بانکاس ائلچهسینه باغلی کندلره ۱۸ ژوئن گئجهسی مغرب القاعدهسینه باغلی کتیبه ماسینا ترور هؤرگوتو طرفیندن سالدیری تشکیل ائدیلدیگی بیلدیریلدی.
سالدیریلاردا ۱۳۲ مولکی وطنداشین حیاتینی ایتیردیگی قید ائدیلهن آچیقلامادا، اؤلنلرین عائلهلرینه باشساغلیغی وئریلدی.
آچیقلامادا، حکومتین بو سالدیرینی شدتله قینادیغی و سوچلولارین توتولماسی اوچون نه لازیمدیرسا ائدیلهجگی وورغولاندی.
اؤلکهده ۳ گونلوک اولوسال یاس اعلان ائدیلدی.
ساحل بؤلگهسینده "۳ اؤلکه سرحدی" اولاراق بیلینن بورکینا فاسو، مالی و نیجر، سون ایللرده ترور هؤرگوتو القاعدهیه باغلی قروپلار ایله داعشین سالدیریلارینا معروض قالیر.
مالیده ۲۰۱۳.جو ایلدهن بری یئرلشهن خاریجی حربی مرکزلره باخمایاراق، ترور هؤرگوتلری سالدیریلارینی داوام ائتدیریر.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.