کلمبیا-دا پرزیدنت سئچکی‌لری‌نین نتیجه‌لری معلوم اولوب

کلمبیا-دا پرزیدنت سئچکی‌لری‌نین ایکینجی توروندا سولچو سناتور، "تاریخی پاکت" کوالیسیونونون نوماینده‌سی گوستاوو پترو غالیب گلیب.

رای لرین 99،7 فایزی‌نین حسابلانماسی‌نین نتیجه‌لرینه گؤره، او، 50،46 فایز سس توپلاییب. پترو ایلک سولچو پرزیدنت اولا‌جاق.

پترونون رقیبی، "یولسوزلوق لارا قارشی حؤکمدارلار لیگی" سیاسی حرکاتی‌نین یارادیجی‌سی رودولفو هرناندز مغلوبیتینی اعتراف ائدیب.

کلمبیانین حاضیرکی پرزیدنتی ایوان دوکه گوستاوو پترونو تبریک ائدیب.

پترونون معاوینی فرانسیا مارکز  ایسه اؤلکه تاریخینده ایلک قادین آفریقالی-کلمبیالی باشقان یاردیمجیسی اولا‌جاق.

پترو آوقوستون 7-ده وظیفه‌نی پرزیدنت ایوان دوکه دن تحویل آلا‌جاق.

قئید ائدک کی، 62 یاش‌لی گوستاوو پترو طلبه‌لیک ایللرینده M-19 سولچو رادیکال پارتیزان قروپونون عضوو اولوب.

او، 1985-جی ایلده سلاح ساخلاماقدا اتهام ائدیله‌رک 18 آی مدتینه آزادلیق‌دان محروم اولونوب. آزادلیغا چیخان‌دان سونرا M-19 "دموکراتیک اتحاد" پارتیاسی‌نین یارادیلماسیندا ایشتیراک ائدیب. 1991-جی ایل آنایاسانین حاضیرلانماسینا قاتیلیب.