آمریکادا بیر ایلک اوخولا سالدیریدا ۲۱ نفر حیاتینی ایتیردی

آمریکانین تگزاس ایالتینده بیر ایلک اوخولا ائدیلن سالدیری نتیجه‌سینده ۱۸ اوشاق و ۳ بؤیوک توپلام ۲۱ نفر حیاتینی ایتیردی.

تگزاس سناتورو رولاند گوتیرز سی‌ان‌ان تلویزیونونا، اولایدا ۱۸ اوشاق و ۲ بؤیوک اولماقلا ایندیه دک ۲۰ نفرین اؤلدوگونو آچیقلادی.

یووالد قصبه‌سینده‌کی بیر ایلک اوخولا سلاحلی سالدیری تشکیل ائد‌ن سالوادور راموسون (۱۸) ایسه پولیسله گیردیگی چاتیشمادا ائتکیسیز حالا گتیریلدیگی بیلدیریلدی.

عینی قصبه‌ده یاشایان راموسون، سالدیرینی حیاتا گئچیردیگی ایلک اوخولون یانینداکی اورتا اوخولدا مطبوعات‌دا یازیلیرکن پلیس، حادثه‌نین سببی ایله باغلی هله‌لیک آچیقلاما وئرمه‌دی.

آمریکا پرزیدنتی جو بایدن، سالدیری ایله باغلی،

"تانری اوچون نه واخت سلاح لابیسینه قارشی‌ دوراجاغیق؟" دئدی.

آسیا سفریندن قاییدان و آغ ائوده مطبوعات کنفرانسی تشکیل ائدن بایدن حیات یولداشی جیل بایدنله ژورنالیستلرین قارشیسینا چیخاراق، وظیفه‌یه باشلادیغیندا بئله بیر دورومو دانیشماق مجبوریتینده قالماماق اوچون دعا ائتدیگینی دئدی.

داها بیر هفته اؤنجه نیویورکون بوفالو شهرین‌ده سلاح‌ی سالدیری اولدوغونو خاطیرلادان بایدن اؤلکه‌ده آرتان سلاحلی شدته دقت چکدی.

میللی تحصیل درنگی، تگزاس ایالتی اؤیرتمنلر درنگی ایله وئردیگی اورتاق آچیقلامادا، "دؤولت اوخوللاریمیز اؤیرنجیلر و اؤیرتمنلر اوچون ان گۆونلی یئرلردن بیری اولمالیدیر. سیاستچیلرین نهایت مسئولیت قبوا ائدیب سلاح گۆونلیگی سورونونو حل ائتمه‌سی اوچون داها نه قدر سالدیری ائدیلمه‌سی لازیمدیر؟" دئیه سوردو.

آمریکا اؤیرتمنلر فدراسیانو باشفانی راندی وینگارتن ده سالدیریا تپکی گؤستره‌رک، "یالنیزجا بو اؤلکه‌ده آنا آتالار اوشاقلارینین اوخولدا گۆونده اولاجاغیندان آرخایین دئییللر" ایفاده‌سینی ایشلتدی.

سی‌ان‌ان کانالینا گؤره، ایل باشیندان بری سون سالدیری خاریج، تحصیل قوروملاریندا باش وئره‌ن ۳۸ سلاحلی سالدیریدا ان آز ۱۰ نفر حیاتینی ایتیردی، ۵۱ نفر یارالاندی.