تۆرکجه، سومالی‌ده سئچمه‌لی درس اولاجاق
موگادیشودا هئچ بیر کورسدا تحصیل آلابیلمه‌یه‌ن بیر چوخ اینسان، ایزله‌دیکلری سریال و فیلملرین تأثیری ایله تۆرکجه سؤز و ایفاده‌لری ازبردن بیلیر
تۆرکجه، سومالی‌ده سئچمه‌لی درس اولاجاق.
سون ایللرده سومالی ایله تۆرکیه آراسیندا ایلیشکیلرین، سوسیال و مد‌نی تعاملون آرتماسی نتیجه‌سینده خالقین ان چوخ طلب ائتدیگی دیل تۆرک دیلی اولدو.
باشکند موگادیشو کوچه‌لرین‌ده هارداسا هر جاده و دوکاندا تۆرکجه بیلن بیرینه راست گلمک مومکون ایکن، هئچ بیر کورسدا تحصیل آلابیلمه‌یه‌ن بیر چوخ اینسان، ایزله‌دیکلری سریال و فیلملرین تأثیری ایله تۆرکجه سؤز و ایفاده‌لری ازبردن بیلیر.
تۆرک ائییتیم قوروملاری آرتان طلبه جاواب وئرمکده زورلانارکن، حاضردا اوخول کیمی فعالیت گؤستره‌ن و یوزلرجه اوشاغین تحصیل آلدیغی ۳ یتیم‌خانادا تۆرک دیلی پایه درس اولاراق تدریس اولونماغا باشلادی.
یونوس امره انستیتوسونون سومالینین میللی تحصیل باخانلیغی ایله بیرلیک‌ده باشلادماغی پلانلاشدیردیغی پروژه چرچیوه‌سینده تۆرکجه اؤنجه باشکندده، سونرا ایسه اؤلکه‌نین هر یئرینده سئچمه‌لی درس اولاراق اوخودولاجاق.
اؤلکه‌ده تۆرک تحصیلینین مرکزینه چئوریله‌ن موگادیشو یونوس امره انستیتوسو مسئوللاریندان سینان دوروک ۲۰۱۷.جی ایلده‌ن بو یانا ۵ میندن چوخ اینسانا تۆرکجه اؤیرتدیکلرینی بیلدیردی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
