یونیسف: بیر آیدا اوکراینادا ۱۰۰ دولاییندا اوشاق اؤلدو
آمریکانین بیرلشمیش میللتلردهکی دائمی نمایندهسی ریچارد میلس، روسیانین ساواش باشلایاندان بری هر گون اورتالاما ۲۲ اوخولو هدف آلدیغینی بیلدیردی
روسیانین ۲۴ فوریهده باشلاتدیغی ساواش سببی ایله سون بیر آیدا اوکراینادا ۱۰۰ دولاییندا اوشاغین اؤلدوگو بیلدیریلدی.
بیرلشمیش میللتلر تشکیلاتینین اوشاق یاردیم صاندیغی (یونیسف) مسئولو عمر عبدی بیرلشمیش میللتلر گوونلیک شوراسیندا، اوکرایناداکی ساواشین اوشاق حاقلاری بحرانی یاراتدیغینی بیلدیردی.
اوخوللارا ائدیلهن سالدیریلارا و اوشاقلارین تحصیل حاقیندان محروم ائدیلمهسینه دقت چکن عبدی، اوکراینادا سون بیر آیدا ۱۰۰ نفره یاخین اوشاغین اؤلدوگونو بیلدیردی.
بو آرادا آمریکا بیرلشمیش دؤولتلرینین بیرلشمیش میللتلردهکی دائمی نمایندهسی ریچارد میلس، روسیانین ساواش باشلایاندان بری هر گون اورتالاما ۲۲ اوخولو هدف آلدیغینی بیلدیردی.
روسیانین بیرلشمیش میللتلردهکی دائمی نمایندهسی واسیلی نبنزیا ایسه روسیا اوردوسونا قارشی اتهاملاری رد ائدرک، اوکراینادا اوشاقلارا تاریخین دوغرو اؤیردیلمهدیگینی ادعا ائتدی.
اوکراینانین بیرلشمیش میللتلردهکی نمایندهسی سئرگی کیسلیتسیا روسیانی اوکراینالی اوشاقلاری قاچیرماق و یاسادیشی اؤولادلیق وئرمکله سوچلادی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.