امریکا: روسیا اوکراینا محاربه‌سینده آرتیق مغلوب اولوب

امریکا: روسیا اوکراینا محاربه‌سینده آرتیق مغلوب اولوب

آغ ائوین سؤزچوسو جن ساکی روسیانین اوکراینادا ایلک نؤوبه‌ده قارشییا قویدوغو مقصدلره نایل اولا بیلمه‌دیگینی و ساواشی آرتیق اؤز نامینه اودوزدوغونو وورغولاییب.

آغ ائوین سؤزچوسو جن ساکی گونده‌لیک مطبوعات کنفرانسیندا روسیا-اوکراینا ساواشی ایله باغلی سون حادثه‌لری دیرلندیریب.

اوکراینا اوچون "غلبه" تعریفی‌نین اوکراینانین اؤز سئچیمیندن آسیلی اولدوغونو وورغولایان ساکی "بیز اول‌دن وئردیگیمیز ساوونما دستکی ایله اوکراینانین دانیشیق‌لار ماساسیندا الینی گوجلندیریریک" دئییب.

ساکی ساواشین اولینده روسیانین قیسا مدتده اوکراینانی نظارت آلتینا آلماغی پلانلاشدیردیغینی و بو مقصدینه نایل اولا بیلمه‌دیگینی بیلدیریب.

"روس‌لار اؤز نؤوبه‌سینده آرتیق ساواشدا مغلوب اولوب‌لار. اوکراینایا نظارت ائده بیلمه‌دی‌لر. ولادیمیر پوتین کیئو کوچه‌لرینده گؤرونه بیلمه‌یه‌جک. اوکراینانین اراضی بوتؤو‌لوگونو و اگمنلیگینی دئویره بیلمه‌یه‌جک‌لر. اونلار ناتو-نو دا بؤله بیلمه‌دی‌لر”.