بیرلشمیش میللتلر: اوکراینادا ان آز ۱۶۱۱ وطنداش حیاتینی ایتیردی

روسیا-اوکراینا ساواشیندا، اوکراینادا ان آز مین ۶۱۱ وطنداش حیاتینی ایتیردی، ۲ مین ۲۲۷ وطنداش یارالاندی، سالدیریلارین آردیندان ۴ میلیون ۳۱۹ مین ۴۹۴ نفرین قونشو اؤلکه‌لره گئچدی.

بیرلشمیش میللتلر سیغینماچیلار یوکسک کمیسرلیگی طرفیندن وئریله‌ن آچیقلامادا، اوکرایناداکی سیغینماچی بحرانینا باغلی بیلگیلر پایلاشیلدی.

آچیقلامادا، ۲۴ فوریه-۶ آوریل دؤنمینده یاریدان چوخو لهستانا اولماق اوزره اوکراینادان ۴ میلیون ۳۱۹ مین ۴۹۴ نفرین قونشو اؤلکه‌لره گئچدیگی ایفاده ائدیلدی.

قونشو اؤلکه‌لردن ان چوخ لهستانا (۲ میلیون ۵۱۴ مین ۵۰۴)، رومانییه (۶۶۲ مین ۷۵۱)، ماجاریستانا (۴۰۴ مین ۰۲۱)، مولداویه (۴۰۱ مین ۷۰۴) و اسلوواکییه (۳۰۴ مین ۹۸۳) گئچیلدیگی بیلگیسی وئریله‌ن آچیقلامادا، دونتسک و لوهانسک بؤلگه‌لریندن ده ۲۱-۲۳ فوریه‌ده ۱۱۳ مین نفرین روسیایا گئچدیگی ایفاده ائدیلدی.

بیرلشمیش میللتلر باغلی اولوسلارآراسی کؤچ قورومو دا اوکراینا ایچینده ۷،۱ میلیون وطنداشین یوردوندان اولدوغونو آچیقلامیشدی.