حبس‌خانادا عصیان: ان آز ۲۰ نفر اؤلدو
ال توری حبس‌خاناسیندا چیخان عصیاندا ۲۰ محکومون حیاتینی ایتیردیگی قید ائدیلدی
گونئی آمریکا اؤلکه‌سی اکوادوردا، حبس‌خانادا باش وئره‌ن اغتیشاش و چاتیشمالاردا اؤلنلرین ساییسینین ۲۰ نفره یوکسلدیگی بیلدیریلدی.
دؤولت باشقانلیغیندان وئریله‌ن آچیقلامادا، اؤلکه‌نین گونئیینده‌کی آزوای ایالتینه باغلی ال توری حبس‌خاناسیندا چیخان عصیاندا ۲۰ محکومون حیاتینی ایتیردیگی قید ائدیلدی.
ایچ ایشلری باخانی پاتریسیو کاریلو، ۸۰۰ پلیس و ۲۰۰ عسگرین حبس‌خانا ایچینه و دیشینا یئرلشدیریلدیگینی بیلدیررک، عصیانین کنترل آلتینا آلیندیغینی آچیقلادی.
مسئوللار، دونن محکوملار آراسیندا باشلایان چاتیشمادا ۱۲ نفرین اؤلدوگونو، ۱۰ نفرین یارالاندیغینی بیلدیرمیشدی.
اؤلکه‌ده ۳۰ مین توتوملو ۶۵ حبس‌خانادا تخمیناً ۳۹ مین محبوس و محکوم وار. چته‌لر آراسیندا باش وئره‌ن حادثه‌لر بعضاً اؤلوملو عصیانلا نتیجه‌له‌نیر.
اؤتن ایلد‌ن بری رقیب چته‌لر آراسیندا باش وئره‌ن اولایلاردا ۳۱۶ محکوم حیاتینی ایتیردی. اکوادوردا ان سون ۲۴ فوریه‌ده ۳ شهرده عینی واختدا چیخان عصیانلاردا ۸۰ محکوم حیاتینی ایتیرمیشدی.
ایلگیلی‌لی خبرلر
جوزپ بورل فیلیسطین دؤولتینی تانییا‌جاق اؤلکه‌لری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.
