آنتونیو گوتورش "اینسانی آتشکسه" چاغیریب
بمت-نین باش کاتیبی آنتونیو گوترش روسیانین بیر آی اول اوکراینایا قارشی آپاردیغی ساواش دان سونرا "اینسانی آتشکسه" چاغیریب.
بمت-نین باش کاتیبی آنتونیو گوترش روسیانین بیر آی اول اوکراینایا قارشی آپاردیغی ساواش دان سونرا "اینسانی آتشکسه" چاغیریب.
گوترش بمت-نین باش قرارگاهیندا ژورنالیستلره بیلدیریب کی، ساواش مینلرله اینسانین حیاتینا سون قویوب، 10 میلیون اینسانی دیدرگین سالیب، آلت یاپی لاری سیستماتیک شکیلده محو ائدیب و بوتون دونیادا ارزاق و انرژی قیمتلرینین سرعتله قالخماسینا سبب اولوب.
گوترش بو اینسانی فاجعهنین اینسانی یاردیملا حل ائدیله بیلمهیهجگینه دقت چکیب:
"من درحال اینسانی آتشکسه چاغیریرام کی، جدی سیاسی دانیشیقلاردا ایرلیلییش الده اولونسون".
بمت-نین روسیا و اوکراینا ایله اینسانی آتشکسه نایل اولماق اوچون یوللار آختاردیغینی بیلدیرن گوترش موناقیشهلرین دایاندیریلماسینین اساس اینسانی یاردیملارین چاتدیریلماسینا ایمکان یاراداجاغینی و اینسانی آتشکسین چوخ سایدا اینسانین حیاتینی قورتاراجاغینی بیلدیریب.
باش کاتیب علاوه ائدیب کی، او، نوکلئر، بیولوژی و شیمیایی ساواشین مومکونلوگونو تصور بئله ائتمک ایستمیر.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب