آلمانیا و هوللاندیا “پاتریوت”لاری دوغو جیناهی اوچون سلوواکیایا گؤندریلیر
سلوواکیانین ساوونما ناظیری یاروسلاو ناد آلمانیا و هوللاندیانین “پاتریوت” هاوا هوجومون‌دان ساوونما سیستم‌لری‌نین سلوواکیایا تحویلی‌نین داوام ائتدیگینی بیلدیریب.
آلمانیا و هوللاندیا “پاتریوت”لاری دوغو جیناهی اوچون سلوواکیایا گؤندریلیر
سلوواکیانین ساوونما ناظیری یاروسلاو ناد آلمانیا و هوللاندیانین “پاتریوت” هاوا هوجومون‌دان ساوونما سیستم‌لری‌نین سلوواکیایا تحویلی‌نین داوام ائتدیگینی بیلدیریب. او، سوسیال مئدیا حسابیندان وئردیگی آچیقلامادا یازیب: “آلمانیا و هوللاندیانین “پاتریوت” هاوا هوجومون‌دان ساوونما سیستم‌لری روسیا-اوکراینا ساواشی ایله باغلی ناتو-نون دوغو جیناهینی گوجلندیرمک اوچون موقتی اولا‌راق سلوواکیایا گؤندریلیب. بو ساوونما سیستمی سلیاج شهرینده‌کی هاوا بازاسیندا یئرلشدیریلدیک‌دن سونرا اؤلکه‌یه 2100 ناتو عسگری گؤندریله‌جک.
“پاتریوت” هاوا هوجومون‌دان ساوونما سیستمی سلوواکیا‌داکی روسیا "تاس-300"و عوض ائتمه‌یه‌جک، اونونلا بیرلیکده اؤلکه‌نین هاوا مکانی‌نین محافظه‌سینی گوجلن‌دیره‌جک.
"اس-300"لرین یاشی، تکنیکی وضعیتی و ایمکان‌لارینا گؤره دییشدیریلمه‌سی ده پلانلاشدیریلیر. سلوواکیایا باشقا هاوا هوجومون‌دان ساوونما سیستمی وئریلرسه، الیمیزده اولان "اس-300"لری اوکراینایا وئرمه‌یه حاضیریق".
