زلنسکی آلمان میللت وکیل لرینه مراجعت ائدیب
اوکراینا پرزیدنتی ولادیمیر زلنسکی آلمانیا بوندستاگ-دا ویدئوفورماتدا چیخیش ائدیب.
"بو، برلین دیواری دئییل. بو، مرکزی آوروپادا آزادلیق و اسارت آراسینداکی دیواردیر و بو دیوار اوکراینایا آتیلان هر بومبا ایله داها دا بؤیوگور".
بونو اوکراینا پرزیدنتی ولادیمیر زلنسکی آلمانیا بوندستاگ-دا ویدئوفورماتدا چیخیشی زامانی دئییب.
او، چیخیشیندا آلمانیا باش ناظیری اولاف شولتشا امریکانین سابیق پرزیدنتی رونالد ریگانین مشهور برلین دیواری نطقینی خاطیرلادیب.
"جناب شولتش، بو دیواری سؤکون!"، - زلنسکی بیان ائدیب.
بیز خبردارلیق ائدیردیک کی، "قوزیی آخینی -2" سلاحدیر. جاوابی ایسه بئله اولوردو کی، بو اقتصادیاتدیر، بیزنسدیر"، - اوکراینا پرزیدنتی قئید ائدیب.
ولادیمیر زلنسکی آلمان میللت وکیل لرینه مراجعتینده آچیق شکیلده هولوکاستا ایستیناد ائدیب: "هر ایل سیاستچیلر "بیر داها هئچ واخت" دئییرلر. ایندی گؤرورم کی، بو سؤزلرین هئچ بیر دگری یوخدور. آوروپادا بیر خالق محو ائدیلیر".
او بیلدیریب کی، اوکراینانین آوروپا بیرلیگینه داخیل اولماسی بیر باشقا مسئلهدیر: "من باشا دوشورم کی، بو سیاستدیر، لاکین بو، هم ده پرینسیپلرین اؤزییدیر. بیز سیزدن، آلمانیا بوندستاگ-دان خواهیش ائتدیک کی، ساواشین قارشیسینی آلماق اوچون حرکت ائدین، تحریم لر تطبیق ائدین. لاکین بیز گئجیکمه ایله اوزلشدیک. سیز روسیا ایله بیزنسه داوام ائتدینیز.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.