تایوان لیدئری بیر آیلیق معاشینی اوکراینایا باغیشلایاجاق
سای اینگ ون، اوکراینا خالقینین عزمینین دونیانی و تایوان خالقینی حرکته گئچیردیگینی سؤیله‌دی
تایوان لیدئری سای اینگ ون، اینسانی کؤمک ایشلرینه دستک وئرمک مقصدیله بیر آیلیق معاشینی اوکراینایا باغیشلایاجاغینی بیلدیردی.
فوکوس تایوانین خبرینه گؤره، دموکراتیک ایره‌لیچی پارتیسینین ییغینجاغیندا دانیشان سای، اوکراینا خالقینین عزمینین دونیانی و تایوان خالقینی حرکته گئچیردیگینی سؤیله‌دی.
سای، اؤزو ایله باشقان کؤمکچی‌سی ویلیام لائی و حکومت باشقانلیغینی یئریدن سو سنگ-چانگین بیر آیلیق معاشلارینی اوکراینایا باغیشلایاجاغینی قید ائتدی.
تایوانین تامامیله اوکراینانی دستکله‌دیگینی ایفاده ائد‌ن سای، اوکراینایا دستک وئره‌ن قلوبال دموکراسی گوجلرینین بؤیودوگونه دقت چکدی.
تایوان، اوکراینایا ۲۷ تن طبی لوازیم کؤمگی ائتمیش، روسیا ایله مینیموم سویه‌ده تیجاری ایلیشکیلری اولماسینا باخمایاراق بو اؤلکه‌یه قارشی باتی لیدئرلیگینده‌کی تحریملره قاتیلدیغینی آچیقلامیشدی.
روس عسگرلری ۲۴ فوریه‌ده اوکراینایا سالدیری باشلاتمیشدی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
