بمت: چاتیشمالارین قارشیسی آلینمالیدیر"
بیرلشمیش میللتلر تشکیلاتی (بمت) اوکراینا ایله روسیا آراسیندا مؤوجود دورومون سون درجه تهلوکهلی اولدوغو بارهده خبردارلیق ائدیب.
بمت: جدی موناقیشه ریسکینی داشییان حادثهلرین قارشیسی آلینمالیدیر
بیرلشمیش میللتلر تشکیلاتی (بمت) اوکراینا ایله روسیا آراسیندا مؤوجود دورومون سون درجه تهلوکهلی اولدوغو بارهده خبردارلیق ائدهرک، نه باهاسینا اولورسا اولسون، بؤیوک موناقیشه ریسکینی داشییان حادثهلرین قارشیسینین آلینماسینا چاغیریب.
بمت باش کاتیبینین سیاسی مسئلهلر اوزره معاوینی رزماری دی کارلو اوکراینانین چاغیریشی ایله عاجیل توپلانان بمت تهلوکهسیزلیک شوراسیندا بولگه ده باش وئرن تهلوکهلی حادثهلردن چوخ ناراحات اولدوقلارینی بیلدیریب.
او، "گلهجک ساعاتلار و گونلر کریتیک اولاجاق. بؤیوک موناقیشه ریسکی رئالدیر و نه باهاسینا اولورسا اولسون قارشیسینی آلماق لازیمدیر" دئییب.
روسیانین “باریش میسیونو" آدی آرخاسیندا اوکراینانین دوغوسونا قوشون یئریتمهسی خبریندن چوخ کدرلندیکلرینی ایفاده ائدن دی کارلو آتشکسین پوزولماسی نتیجهسینده بؤلگهدهکی سیویل اهالینین ضرر چکدیگینی قئید ائدیب.
دی کارلو سون حادثهلرین مؤوجود دانیشیقلارا مومکون نتیجهلریندن سون درجه ناراحات اولدوقلارینی تکرارلاییب و بو نقطهده بولگه سل تهلوکهسیزلیک مسئلهلرینده طرفلر آراسیندا دیالوقون داوام ائتدیریلمهسینین داها واجیب اولدوغونو وورغولاییب.
قئید ائدک کی، فوریه نین 21-ی گئجه روسیا پرزیدنتی ز قوندارما “دونتسک خالق جمهوریتی و لوگانسک خالق جمهوریتینین موستقیللیگی”نین تانینماسی حاقیندا فرمان ایمضالاییب.
ایلگیلیلی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب