اردوغان، آفریقایا واکسن آپاردی
"آفریقا اؤلکهلری ایله ایلیشکیلریمیزی بو چرچیوهده صمیمیت و قارداشلیق اساسیندا گلیشدیرمهیه داوام ائدجییک"
جمهورباشقانی رجب طیب اردوغاندان کونگو دموکراتیک جمهوریتینه واکسن گؤندرمه موشتولوغو وئردی.
جمهورباشقانی اردوغان آفریقا سفرینین ایلک دوراغی کونگویا گلدی.
اردوغانی، کونگو جمهورباشقانی فلیکس تشیسکدی رسمی مراسیمله قارشیلادی.
باش باشا و هئیتلرآراسی گؤروشمهلر، ایکی اؤلکه آراسیندا آنلاشمالارین ایمضالانماسیندان سونرا اردوغان و تشیسکدی اورتاق مطبوعات کنفرانسی تشکیل ائتدی.
جمهورباشقانی اردوغان توپلانتیداکی دانیشماسیندا،
"تورکیه-آفریقا اورتاقلیق ذیروهسینده قبول ائتدیگیمیز بیاننامه و فعالیت پلانی ایله ۲۰۲۲-۲۰۲۶.جی ایللر اوچون ایکیلی ایلیشکیلرین یول خریطهسینی معین ائتدیک. آفریقا اؤلکهلری ایله ایلیشکیلریمیزی بو چرچیوهده صمیمیت و قارداشلیق اساسیندا گلیشدیرمهیه داوام ائدجییک" دئدی.
اردوغان
"(یئنی نسیل کوروناویروسا قارشی) ۱۰۰ مین دوز آشی گتیردیم. ساغلیق باخانلیغیمیز آیریجا بیر میلیون دوز سینوواک و ۱۰۰ مین دوز تورکوواک واکسنی گؤندرهجک" دئدی.
ائو صاحبی جمهورباشقانی تشیسکدی ایسه "تورکیه-کونگو ایلیشکیلرینده تاریخی بیر گون" ایفادهسینی ایشلهدرک، سفرین ایکی اؤلکه آراسینداکی ایلیشکیلری فرقلی بیر نقطهیه گتیرجگینی بیلدیردی.
اردوغان کونگو گؤروشمهلریندن سونرا سنگال و گینه بیسائویا گئدهجک.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی