امریکا روسیا-یا خبردارلیق ائدیب
امریکانین خاریجی ایشلر ناظیرلیگی‌نین سؤزچوسو ند پرایس روسیانین حربی آددیم آتاجاغی تقدیرده جدی تحریم لره معروض قالاجاغی ایله باغلی خبردارلیق ائدیب.
امریکانین خاریجی ایشلر ناظیرلیگی‌نین سؤزچوسو ند پرایس روسیانین حربی آددیم آتاجاغی تقدیرده جدی تحریم لره معروض قالاجاغی ایله باغلی خبردارلیق ائدیب.
اوکراینا بحرانینی دیپلوماتیا یولو ایله حل ائتمک ایمکانی‌نین اولدوغونو وورغولایان امریکانین خاریجی ایشلر ناظیرلیگی‌نین سؤزچوسو ند پرایس روسیانین حربی آددیم آتاجاغی تقدیرده جدی تحریم لره معروض قالاجاغی ایله باغلی خبردارلیق ائدیب.
امریکانین خاریجی ایشلر ناظیرلیگی‌نین سؤزچوسو ند پرایس اوکراینادا آرتان گرگین‌لیگی و پروسه‌نین دیپلوماتیک اؤلچوسونو دیرلندیریب.
روسیانین اوکراینا سرحدینه 100 میندن چوخ عسگر یئرلشدیردیگینی و گرگینلیگین آزالماسینا دایر هئچ بیر علامت گؤرمه‌دیک‌لرینی وورغولایان پرایس مسکوایا قارشی اتهام ایره‌لی سوروب.
امریکا مطبوعاتیندا یئر آلان "ایشغال 16 فوریه‌ده باشلایا بیلر" خبرلرینی دیرلندیرن پرایس تاریخ وئرمه‌نین مومکون و دوغرو اولمادیغینی بیل‌دیره‌رک، روسیانین هله‌لیک هوجوم مؤوضوع سوندا سون قرارینی وئردیگی باره‌ده امین اولمادیق‌لارینی، آنجاق گرگین‌لیگی آزالتماق اوچون هئچ بیر آددیم دا گؤرمه‌دیک‌لرینی سؤیله‌ییب.
"بیز دئمیریک کی، پوتین یئکون قرار وئریب. بو بحرانی دیالوق و دیپلوماتیک یولو ایله حل ائتمک اوچون هله ده فورصت پنجره‌سی وار. اما اساساً روسیا سیاسی قرار قبول ائدیله‌جگی تقدیرده اوکراینایا قارشی تز و آگرئسیو حرکت ائتمک موضعینده دیر" دئیه پرایس قئید ائدیب.
پرایس همچنین خبردارلیق ائدیب کی، اگر پوتین سیاسی یوللا ایشغالا قرار وئررسه، هوجوم‌لار چوخ قیسا مدتده باشلایا بیلر و بئله بیر وضعیتده اورتایا چیخا‌جاق اینسانی وضعیته گؤره روسیا مسئولیت داشییا‌جاق.
