آمریکا: سالدیری بو هفته ده اولابیلر
جان کربی گونلوک مطبوعات کنفرانسیندا روسیانین اوکراینا سرحدینه یاخین بؤلگهلرده و بلاروسدا سون ۲۴ ساعات ایچینده حربی وارلیغینی آرتیردیغینی بیلدیردی
آمریکا ساوونما باخانلیغینین (پنتاگون) سؤزچوسو جان کربی روسیانین اوکراینا سرحدینده حربی ایمکانلارینی آرتیردیغینی آنجاق پرزیدنت ولادیمیر پوتینین ایشغاللا باغلی هله نهایی قرار وئردیگینه اینانمادیقلارینی بیلدیردی.
جان کربی گونلوک مطبوعات کنفرانسیندا روسیانین اوکراینا سرحدینه یاخین بؤلگهلرده و بلاروسدا سون ۲۴ ساعات ایچینده حربی وارلیغینی آرتیردیغینی بیلدیردی.
گونئیده ده بعضی حرکتلرین اولدوغونو ایفاده ائدن کربی، روسیانین قارا دنیزده دونانماسی ایله بعضی مانورلار ائتدیگینی دیله گتیردی.
کربی، اؤزل بیرلیک حرکتلری ایله باغلی بیلگیلره توخونمایاجاغینی آنجاق روسیا اوردوسونون ساواشا حاضرلیغینی آرتیردیغینی و پوتینه محتمل بیر سالدیری اوچون داها چوخ سئچهنک ساغلاماق اوچون فعالیت گؤستردیگینی بیلدیردی.
هله دیپلوماسی اوچون یئر اولدوغونا دقت چکهن کربی بیر سواللا باغلی بئله ددانیشدی:
"بیز هله ده (ایشغال اوچون) سون قرارین وئریلدیگینه اینانمیریق" دئدی.
آنجاق سؤزچو، سالدیرینین هر هانسی بیر اویاری اولمادان هر هانسی بیر گون باشلایابیلهجگینی سؤیلهدی.
کربی،
"اولوسال گوونلیک مشاویری جیک سالیوانین نه دئدیگینی ائشیتدینیز گئچهن هفته پکن المپیک اویونلاری بیتمهدن (۲۰ فوریه) سالدیرینین باشلایابیلهجگینی آچیقلامیشدی. حتی بو هفته ده اولابیلر. الیمیزده اولان بیلگیلری اوکراینا داخیل متفیقلریمیزله، پایلاشیریق" دئدی.