قوزئی کره: آمریکا قارهسینه موشک آتیب دونیانی تیترهدهریک
"بو گزهگنده، آمریکا تورپاغی منزیلینده ایکن موشک آتاراق دونیانی تیترهدهبیلهجک تک اؤلکهمیز وار"
قوزئی کره، هیدروژن بومبالاری، قارهلرآراسی بالیستیک موشکلر و هایپرسونیک موشکلرین منزیلینده آمریکا قارهسی اولدوغونو و دونیانی تیترهدهبیلهجگینی آچیقلادی.
قوزئی کره خاریجی ایشلر باخانلیغیندان، آمریکا ایله گرگینلیگی آرتیراجاق یئنی بیر آچیقلاما گلدی.
باخانلیق،
"بیر چوخ اؤلکهنین بویون ایمه و دوشونمهدن اطاعتله آمریکا ایله اوغراشاراق زامان ایتیردیگی گونوموز دونیاسیندا، بو گزهگنده، آمریکا تورپاغی منزیلینده ایکن موشک آتاراق دونیانی تیترهدهبیلهجک تک اؤلکهمیز وار. الیمیزده هیدروژن بومبالاری، قارهلرآراسی بالیستیک موشکلر و هایپرسونیک موشکلر وار" دئدی.
بو آرادا، آمریکا خاریجی ایشلر باخانلیغی سؤزچوسو، قونو ایله باغلی اولاراق وئردیگی آچیقلامادا، واشینگتنون پیونگیانگی "اولوسلارآراسی باریش، گوونلیک و نوکلئر سلاحلارین یاییلماسینی اؤنلمه رژیمی اوچون بیر تهدید" اولاراق گؤردوگونو، آنجاق بو اؤلکهیه قارشی دوشمنجه بیر نیت داشیمادیغینی سؤیلهدی.
قوزئی کره، یالنیز بو ایل یئددی موشک تستی ائتدی و بونلارین چوخو ژاپن دنیزینه دوغرو آتیلدی.
اؤلکه گئچهن هفته، ۲۰۱۷دن بو یانا ایلک دفعه بیر هاوسونگ-۱۲ اورتا منزیللی بالیستیک موشک سیناغی ائتدیگینی دوغرولادی .
موشکنین آمریکانین گوآم بؤلگهسینی وورابیلهجگینه اینانیلیر.