ناتو روسیانین تکلیفلرینه بو هفته جاواب وئرهجک
"سی ان ان" تلویزیونونا دانیشان استولتنبرگ کرملینین تکلیفلرینی گؤزلهدیکلرینی بیلدیرمهسیندن سونرا ناتو-نون یازیلی جاواب تکلیفینی بو هفته گؤندرهجکلرینی دئییب.
ناتو-نون باش کاتیبی ینس استولتنبرگ روسیانین کئچن آی ناتو-یا وئردیگی راضیلاشما تکلیفینه بو هفته یازیلی جاواب وئرهجکلرینی بیلدیریب.
"سی ان ان" تلویزیونونا دانیشان استولتنبرگ کرملینین تکلیفلرینی گؤزلهدیکلرینی بیلدیرمهسیندن سونرا ناتو-نون یازیلی جاواب تکلیفینی بو هفته گؤندرهجکلرینی دئییب.
استولتنبرگ "حاضیردا تکلیفلریمیزی، یازیلی متنی یئکونلاشدیریریق. بو هفته اونلارا گؤندرجییک. بونو امریکا ایله پارالل اولاراق ائدجییک. چونکی امریکا بیر نئچه هفته اول راضیلاشما تکلیفی آلیب. بیز ده عینی ایله بنزر لاییحه آلدیق. بیز اوتوروب موذاکیرهیه حاضیر اولدوغوموزو دئیهجهییک" دئییب.
استولتنبرگ بیان ائدیب کی، ناتو سلاحلارا نظارت، سیلاحسیزلانما، حربی فعالیتلرده شفافلیق، ریسکلرین آزالدیلماسی مکانیزمی و آوروپانین تهلوکهسیزلیگی ایله باغلی دیگر مسئلهلر بارهده دانیشماغا حاضیردیر.
"روسیانین ناراحاتلیغینی دینلمهیه حاضیریق" دئیه قئید ائدن استولتنبرگ وورغولاییب کی، اوکراینا-روسیا بحرانینین حلی اوچون "دیپلوماتیک یول هله ده وار.
استولتنبرگ قئید ائدیب کی، بونون اوچون روسیا گرگینلیگی آزالتمالی و ناتو ایله خوش نیتله گؤروشمهیه حاضیر اولمالیدیر.
"ناتو اوکراینادا دؤیوش قوشونلاری یئرلشدیرمهیهجک. لاکین بیز حاضیر اولدوغوموزا و بوتون متفیقلری، خصوصاً ده ناتونون دوغوسوندا ساوونما عهده لیگیمیزله باغلی آنلاشیلمازلیقلارین اولمادیغینا امین اولمالیییق" دئیه استولتنبرگ وورغولاییب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.