ایتالیا-دا پرزیدنت سئچکی‌لری‌نین بیرینجی تورو نتیجه‌سیز قالیب

ایتالیانین 13-جو پرزیدنتینی معین ائتمک اوچون توپ‌لانان "بؤیوک سئچکی مجلیسی"نده سسوئرمه‌نین بیرینجی تورون‌دان نتیجه الده اولونماییب.

پارلامنتین یوخاری قانادی، سناتین عضوو اولان 315 سناتور و 6 عمورلوک سناتور، آشاغی قانات - نوماینده‌لر مجلیسیندن ایسه 630 میللت وکیلی و 20 ایداره بولگه‌دن گلن 58 نوماینده‌دن عبارت 1009 عضو‌لو "بؤیوک سئچکی مجلیسی" سئچکی‌لرین بیرینجی تورو اوچون توپلاشیب. سسوئرمه‌نین بیرینجی توروندا پرزیدنت سئچیلمک اوچون طلب اولونان 1008 سس‌دن 672-سینه هئچ بیر نامیزد چاتا بیلمه‌ییب. بوش سس‌لرین سایی ایسه 672 اولوب. بئله‌لیکله، سسوئرمه‌نین بیرینجی تورو نتیجه‌سیز قالیب.

نوماینده‌لر مجلیسینده کئچیریلن سسوئرمه "کووید-19" اپیدمی‌سینه قارشی تدبیرلره اویغون تشکیل ائدیلیب.

سناتی‌نین صدری ماریا الیزابتا آلبرتی کاسلاتی و نوماینده‌لر مجلیسی‌نین صدری روبرتو فیکو پرزیدنت سئچکی‌لری‌نین ژانویه‌نین 25-ده کئچیریله‌جک سسوئرمه‌نین ایکینجی تورو ایله داوام ائدجگینی آچیقلاییب‌لار.