"طالبان" هئیتی نروژ-ده

"طالبان" نوماینده هئیتی نروژ-ین پایتاختی اوسلو-دا رسمی‌لرله دانیشیق‌لار آپاریب.

"طالبان" موقتی حکومتی‌نین سؤزچوسو ذبیح الله مجاهد توییتر حسابیندا "طالبان" نوماینده هئیتی‌نین نروژ صلاحیت‌لی‌لری ایله گؤروش کئچیردیگینی بیلدیریب.

بیاناتدا بیلدیریلیب کی، گؤروش زامانی ایشتیراکچی‌لار صبیرله بیر-بیری‌نین فیکیرلرینی دینله‌ییب، اؤلکه‌نین مؤوجود دورومو ایله باغلی فیکیر موبادیله‌سی آپاریب‌لار.

بیلدیریلیب کی، ایشتیراکچی‌لار افغانیستانین بوتون افغان‌لارین عمومی ائوی اولدوغونو تصدیقله‌ییب و افغان‌لارین اؤلکه‌ده داها یاخشی سیاسی، اقتصادی و تهلوکه سیزلیگین تامین ائدیلمه‌سی اوچون بیرگه فعالیت گؤسترمه‌سی‌نین واجیب‌لیگینی وورغولاییب‌لار. ببوتون ایشتیراکچی‌لار افغانیستانین بوتون پروبلئم‌لری‌نین یئگانه حلی‌نین آنلاشما و امکداش‌لیق اولماسی ایله باغلی راضیلیغا گلیب‌لر.

قئید ائدک کی، نروژ خاریجی ایشلر ناظیرلیگی‌نین آچیقلاماسیندا بیلدیریلیب کی، "طالبان" نوماینده‌لری 23-25 ژانویه تاریخ‌لرینده اوسلویا دعوت اولونوب‌لار.

بیلدیریلیب کی، طالبان نوماینده هئیتی نروژ حکومتی‌نین، بعضی متفیق اؤلکه‌لرین نوماینده‌لری، ائله‌جه ده غیری-حکومت تشکیلات‌لاری‌نین نوماینده‌لری ایله گؤروشمک اوچون نروژ-ده دانیشیق‌لار آپارا‌جاق.

نروژ-ین خاریجی ایشلر ناظیری آنیکن هویتفلد ژانویه‌نین 21-ده وئردیگی آچیقلامادا افغانیستان-‌داکی اینسانی بحرانلا باغلی ناراحات‌لیغینی ایفاده ائده‌رک، اؤلکه‌ده باش وئرن سون حادثه‌لری "میلیون‌لارلا اینسانا تأثیر ائدن گئنیش میقیاس‌لی اینسانی فلاکت" کیمی قیمتلندیریب.

آنیکن هویتفلد قئید ائدیب کی، سؤزوگئدن علاقه‌لر "طالبان"ی قانونیلشدیرمیر و یا تانیمیر، لاکین اونلار اؤلکه‌نی فاکتیکی ایداره ائدن‌لرله دانیشما‌لی‌دیرلار.