اینگیلتره‌دن ایرانا اویاری

اینگیلتره باشباخانی بوریس جانسون، ایرانین نوکلئر پروگرامی قونوسون‌دا بیر آنلاشمایا چاتماق اوچون زامانین دارالدیغینی ایفاده ائتدی.

باشباخانلیق اوفیسیندن وئریله‌ن آچیقلامایا گؤره، جانسون، اسرائیل باشباخانی نفتالی بنت ایله تلفندا دانیشدی.

لیدئرلر، یئنی نسیل کوروناویروسون اومیکرون واریانتی ایله مباریزه و سربست تیجارت آنلاشماسینین یانین‌دا، وینده ایرانین نوکلئر پروگرامینا باغلی اولوسلارآراسی مذاکیره‌لری اله آلدی.

 باشباخان جانسون، اینگیلتره‌نین، "مذاکیره‌لرین نوکلئر آنلاشمانین تامامیله یئنی‌دن ایشلرلیک قازانماسییلا نتیجه‌له‌نمه‌سینی ایسته‌دیگینی" ایفاده ائتدی.

آنجاق بونون اوچون ایرانین یاخشی نیتله حرکت ائتمه‌سینه احتیاج اولدوغونو بیلدیرن اینگیلیس باشباخان،

"دیپلوماتیک قاپی آچیق آنجاق بیر آنلاشمایا چاتماق اوچون زامان دارالیر" دئدی.