پنتاگوندان اف-۳۵ آچیقلاماسی
"اورتاق گوونلیک ماراقلاری اوزرینه تورکیه ایله چالیشماغا داوام ائتمک ایستهییریک"
آمریکا ساوونما باخانلیغی (پنتاگون) سؤزچوسو جان کربی تورکیه و آمریکا ساوونما مقاملاری آراسیندا اف-۳۵ پروگرامی ایله باغلی آنکارادا تشکیل ائدیلهن گؤروشون وئریملی گئچدیگینی بیلدیردی.
کربی، گوندهلیک مطبوعات کنفرانسیندا، سؤز قونوسو گؤروشله باغلی بیر سوال اوزرینه.
"تورکیهنین (اف-۳۵) پروگرامدان چیخاریلماسینین باشا چاتماسی و بونون ایکیلی ایلیشکیلرین گلهجگی اوچون نه دئمک اولدوغو ایله باغلی گؤروشمه ایدی. اونا گؤره ده چوخ وئریملی بیر گؤروشمه ایدی. لحن اولاراق دا ایرلی سویهده ایدی. تورکیه هله ده بیر چوخ اورتاق ماراقلاریمیز اولان دگرلی بیز ناتو متفیقیمیزدیر. بیز اتفاق پرسپکتیویندن اورتاق گوونلیک ماراقلاری اوزرینه تورکیه ایله چالیشماغا داوام ائتمک ایستهییریک" دئدی.
کربی گؤروشون یالنیز تورکیهنین اف-۳۵ پروقگرامیندان چیخاریلماسینا باغلی اولدوغونا دقت چکرک،
"بو او دئمک دئییل کی، تورکیه ایله ایکیلی اولاراق یاخین چالیشما یوللاری تاپماغا چالیشمایاجاغیق" دئدی.
تورکیهنین اف-۱۶ طلبینین تکجه میللی گوونلیک دئییل، هم ده ناتو گوونلیگی اوچون اؤنملی اولدوغونا وورغو ائتدیگی خاطیرلادایلاراق، آمریکانین گوجلو تورک حربی هاوا گوجلرینین ناتو اوچون اؤنملی اولدوغونا اینانیب-اینانمادیغی سوالینا کربی، آمریکانین حربی ساتیشلاری ایله باغلی آچیقلاما وئرهبیلمهیهجگینی، آنجاق تورکیهنین اؤنملی و دیرلی بیر ناتو متفیقی اولدوغو جاوابینی وئردی.
سؤزچوسو کربی،
"اتفاقیمیز ایکیلی گوونلیک ایلیشکیمیز باغلامیندا. تورکیه ایله نئجه ایرلیلهیهجگیمیز قونوسوندا دانیشیقلارین آپاریلماسی اؤنملیدیر و بیز بونو داوام ائتدیرجییک" دئدی.
تورکیهنین سوریهده بؤلوجو ترور هؤرگوتو یپگ/پکاکایا قارشی محتمل عملیاتی ایله باغلی سوالا ایسه کربی بو قونودا دانیشمایاجاغینی، سوریه دموکراتیک گوجلر آدینی قوللانان یپگ/پکاکا ایله سوریهده "اؤزللیکله و سادهجه داعش ایله مباریزهده امکداشلیق ائتمهیه داوام ائتدیردیکلرینی" بیلدیردی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.