نیجریه-ده ترور، اؤلن‌لر وار

نیجریه-ده بوکو حرام ترور تشکیلاتی طرفیندن حیاتا کئچیریلن هوجوم نتیجه‌سینده 16 نفر حیاتینی ایتیریب.

اولکه مطبوعاتیندا یئر آلان خبره گؤره ترور تشکیلاتی عضو‌لری بورنو ایالتی‌نین رانن کندینه هوجوم ائدیب‌لر. حادثه نتیجه‌سینده بیر عسگر و کؤنول‌لو اولا‌راق یاردیم فعالیت‌لرینده ایشتیراک ائدن‌لردن عبارت 16 نفر حیاتینی ایتیریب. چوخ سایدا آدام یارالانیب.

خاطیرلاداق کی، 2000-جی ایللرین اول‌لریندن اعتباراً اؤلکه‌ده مؤوجود قان‌لی حادثه‌لر تؤره‌دن بوکو حرامین 2009 -جو ایلدن بری تشکیل ائتدیگی کوتلوی ترور حادثه لرینده 20 میندن چوخ اینسان حیاتینی ایتیریب. ترور تشکیلاتی 2015 -جی ایلدن بری اؤلکه‌نین سرحد قونشولاری کامرون، چاد و نیجریه-ده هوجوم‌لار حیاتا کئچیریر. تشکیلاتین چاد گؤلو حوزه سینده‌کی هوجوم‌لاریندا ان آز 2000 آدام حیاتینی ایتیریب. اؤلکه‌دکی ترور آکت‌لاری و قارشیدورما‌لار سببیندن یوز مین‌لرله اینسان کؤچ ائتمک مجبوریتینده قالیب.