آمریکا: افغانستانلیلاری تورکیهیه یؤنلندیرمهدیک
"قوروما آختاران شخصلری بللی گوونلی بؤلگهلره یؤنلهندیرمهنین و یا تشویق ائتمهنین، آمریکا حکومتینین سیاستی اولمادیغینی ایفاده ائتمک ایستهییرم"
آمریکا بیرلشمیش دؤولتلری، افغانستانلی سیغینماچیلاری "تورکیه داخیل هئچ بیر اؤلکهیه یؤنلندیرمهدیکلرینی" بیلدیردی.
آمریکا خاریجی ایشلر باخانلیغی سؤزچوسو ند پرایس، گونلوک مطبوعات توپلانتیسیندا، اؤلکهسینین، افغانستانلی سیغینماچیلار پروگرامینی گئنیشلتمهسی و ۳.جو اؤلکه آچیقلاماسینا، تورکیهنین تپکیسینین سوروشولماسی اوزرینه، بونلاری قید ائتدی:
"قوروما آختاران شخصلری بللی گوونلی بؤلگهلره یؤنلهندیرمهنین و یا تشویق ائتمهنین، آمریکا حکومتینین سیاستی اولمادیغینی ایفاده ائتمک ایستهییرم. کیمسهنی، تورکیه داخیل بللی بیر اؤلکهیه یؤنلندیرمهدیک. افغانستانلیلارین تورکیهیه سیاحت ائتمه احتیمالینا باغلی آچیقلامالارین سبب اولدوغو قایغیدان کدر دویوروق."
ند پرایس، سوریه، عراق، افغانستان، ایران و باشقا اؤلکهلردن ۴ میلیوندان چوخ سیغینماچییا ائو صاحبلیگی ائدن تورکیهیه متشکر اولدوقلارینی دا وورغولادی.