نیجر-ده سلاحلی هوجوم، 20 اؤلو

نیجر-ده تؤردیلن سلاح‌لی هوجوم نتیجه سینده 16 حربچی ایله 4 سیویل وطنداش حیاتینی ایتیریب.

اوردودان وئریلن معلوماتا گؤره، 200-دک سلاحلی اؤلکه‌نین باتی سینداکی بانیبانگو بؤلگه سینه هوجوم ائتدی. تهلوکه‌سیزلیک قوه لری ایله سلاح‌لی‌لار آراسیندا باش وئرن قارشیدورمادا 16 حربچی و 4 سیویل وطنداش حیاتینی ایتیریب. قارشیدورما زامانی بعضی حربچیلرین ایتکین دوشدوگو بیلدیریلیب.

قئید ائدک کی، می آیی‌نین 1-ده حربچیلره ائدیلن هوجومدا دا 16 حربچی حیاتینی ایتیرمیشدی.