ترامپ سوسیال مئدیایا قاییدیر
"بو، اویونو تامامیله یئنیدن تانیملایاجاق و هر کس باشقان ترامپین نه ائتدیگینی گؤرمک اوچون اونو ایزلهیهجک"
آمریکانین اؤنجهکی باشقانی دونالد ترامپ، بیر نئچه آی ایچینده اؤزونه عاید بیر شبکه ایله سوسیال مئدیایا قاییداجاق.
ترامپین ۲۰۲۰ باشقانلیق یاریشی تبلیغات ایشلری سؤزچوسو و مشاوری جیسون میللر، فوکس تیوییه وئردیگی موصاحیبهده بو سوسیال مئدیا شبکهسینین ترامپا عاید اولاجاغینی بیلدیرهرک،
"بو، اویونو تامامیله یئنیدن تانیملایاجاق و هر کس باشقان ترامپین نه ائتدیگینی گؤرمک اوچون اونو ایزلهیهجک" دئیه دانیشدی.
ترامپین یئنی سوسیال مئدیا شبکهسی اوچون بیر چوخ شیرکتدن تکلیف آلدیغینی و اؤز تیمینی قورماغا باشلادیغینی ایفاده ائدن میللر،
"چوخ بؤیوک بیر پلتفورم اولاجاق، اون میلیونلارجا اینسانی اورایا داشییاجاق" دئدی.
آمریکا مرکزلی شرکتلر توئیتر و فیسبوک، ۶ ژانویهده گرچکلشن و ۵ نفرین اؤلومو ایله نتیجهلنهن قورولتای باسقینینین آردیندان ترامپین حسابلارینی اؤنجه گئچیجی سونرا دا سۆرهکلی اولاراق باغلامیشدی.