تورک کماندو دنیز آردانین جسدی تاپیلدی
دنیز آردا، سوئد سلاحلی گوجلرینده دنیز کماندوسو اولاراق وظیفه یئرینه یئتیریردی
سوئدین باشکندی استکهلمدا ۱۸ نوامبر ۲۰۲۰ده یوخا چیخان ۳۱ یاشلی تورک دنیز آردانین جسدی تاپیلدی.
استکهلم پلیس ایدارهسینین سؤزچوسو کارینا اسکاگرلیند، وئردیگی آچیقلامادا، ۱۰ گون اؤنجه استکهلمون گونئیینده بیر پارکدا تاپیلان جسدین اوتوپسی سونوجو سوئد سلاحلی گوجلرینده دنیز کماندوسو اولاراق وظیفه یئرینه یئتیرهن دنیز آردایا عاید اولدوغونون معین ائدیلدیگینی بیلدیردی.
"اسکاگرلیند، "عائلهسینه خبر وئریلدی. ایلک آراشدیرمالاردا سوچ عنصورو یوخ" دئدی.
آفتونبلادت قزئتینین خبرینده، بیر دوغا یورویوشچوسونون ۲۷ فوریه گونو تیرستا میلی پارکیندا گزرکهن دیک قایالار آراسیندا بیر جسد گؤروب پلیسه بیلدیریلدیگی ایفاده ائدیلدی.
آردا، یوخا چیخمادان اؤنجه دوستلارینا گؤندردیگی مئساژیندا استکهلمون ناکا بؤلگهسیندهکی دیک قایالار آراسیندا اوزون بیر ایدمانا چیخاجاغینی پایلاشمیشدی.
سوئد سلاحلی گوجلرینده هر جور کماندو تعلیمینی باشاری ایله باشا ووران و حربی دنیز گوجلری کماندوسو اولاراق یوکسهلهن دنیز آردا، ۱۸ نوامبر ۲۰۲۰ده ایتکین دوشموشدو.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.