چوبانلار و اکینچیلر آراسین‌داکی چاتیشمادا ۳۵ نفر اؤلدو

اورتا آفریقا اؤلکه‌سی چادین گونئیینده اوتلاق پروبلئمی سببیله کؤچری چوبانلار و اکینچیلر آراسین‌دا چیخان چاتیشمادا ۳۵ نفر حیاتینی ایتیردی.

سالامات بؤلگه‌سی مسئولو مارا ماد، ایکی طرف آراسین‌داکی چاتیشمالارین بیر عسگر ده داخیل ۳۵ نفرین اؤلومو ایله نتیجه‌لندیگینی بیلدیردی.

چاتیشمالارین ۱۵ فوریه‌ده باشلادیغینی سؤیله‌یه‌ن ماد، دینجلیگین تامین ائدیلمه‌سی اوچون بؤلگه‌یه گوونلیک گوجلرینین گؤندریلدیگینی سؤیله‌دی.

نوامبر آیین‌دا، اؤلکه‌نین گونئیینده‌کی کابیا بؤلگه‌سین‌ده بنزر بیر چاتیشمادا ۲۲ نفر اؤلموشدو.

چادین گونئیینده اوتلاق سورونو و سورولرین تارلالارا ضرر وئرمه‌سی سببی ایله ایللردیر اکینچیلر و کؤچری چوبانلار آراسین‌دا چاتیشمالار یاشانیر.