دونیادا کروناویروسدان اؤلنلرین سایی آرتماقدا داوام ائدیر
دونیادا یئنی نوع کروناویروسدان اؤلنلرین سایی 1 میلیون 413 مینی کئچیب.
دونیادا یئنی نوع کروناویروسدان اؤلنلرین سایی 1 میلیون 413 مینی کئچیب. انفکسیونا یولوخانلارین سایی 60 میلیون 12 مینی، ویروسدان معالیجه اولوناراق ساغالانلارین سایی دا 41 میلیون 437 مینی کئچیب.
اینگیلتره-ده سون 24 ساعات عرضینده 608 نفر ویروسون قوربانی اولوب. بونونلا دا اؤلکهده انفکسیوندان هلاک اولانلارین سایی 55 مین 838-ا یوکسلیب. 11 مین 299 یئنی حادثه ایله، ویروسا یولوخانلارین سایی بیر میلیون 538 مین 794 اولوب.
ایتالیا-دا اپیدمی سببیله سون 24 ساعات عرضینده 853 آدام اؤلوب. بونونلا دا اینسان ایتکیسی 51 مین 306-یا یوکسلیب. ویروسا یولوخانلارین سایی 23 مین 232 آرتاراق بیر میلیون 455 مین 22 نفره چاتیب.
فرانسا-دا "کووید-19" سببیله سون 24 ساعاتدا خستهخانالاردا 458 نفر و سون 4 گونده قوجالار ائوینده 551 نفر اؤلوب. بئلهلیکله اؤلکه میقیاسیندا اپیدمی دن اؤلنلرین سایی 50 مین 237 اولوب. بیر گونده 9 مین 155 یئنی خستهلیک قئیده آلیندیقدا، یولوخانلارین سایی 2 میلیون 153 مین 815-ا یوکسلیب.
هیندوستان-دا "کووید-19" قایناقلی اؤلوم حاللارینین سایی سون 24 ساعات عرضینده 481 آرتاراق 134 مین 699 نفره چاتیب. عینی دؤورده اؤلکهده 44 مین 376 یئنی "کووید-19" حادثهسی آشکارلانیب، بونونلا دا یولوخما سایی 9 میلیون 222 مین 216-یا یوکسلیب.
هیندوستان ان چوخ یولوخما فاکتینین آشکارلاندیغی ایکینجی، ویروس قایناقلی اؤلومون قئیده آلیندیغی 3-جو اؤلکهدیر.
گونئی کره-ده سون 24 ساعات عرضینده "کووید-19"دان 3 نفر اؤلوب؛ اینسان ایتکیسی 513-ا یوکسلیب. اؤلکهده مووافیق دؤورده آشکارلانان ویروس سایی 382 آرتاراق 31 مین 735-ا چاتیب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.